النسيم يذكرني بطاريك - °~*¤®§(§ شبـــكة ويــلان العـربـيـه §)§®¤*~ˆ°

**الحوراء بنت نجد** · 13/10/14, (12:15 AM)

بسم الله الرحمن الرحيم

لاجديد سوى همس النسيم وصدى من الخيال الجميل

وأحب النسيم اللي يذكرني بطاريكــ

حبيبي بديت اذكر حلا ايامنا واجيك=بحلم الليالي واخذك من معاناتك
احبك واحب اللي بدا نبضه يسميك=خفوق ٍ على حبك شفوق ٍ ملاقاتك
اشوفك بنومي كل ليلة وانا احاكيك =واقابلك واخذ منك واقبل عتاباتك
اجي لك بحلم الليل ساري وافكر فيك=واهوجس ليامن رحت عني بنظراتك
حياة الشقا عقبك توشح بها غاليك=وسواد الليالي ينجلي ببتساماتك
حياتي فرح في شوف زولك ولا اوصيك=على خافق ٍ يفرح ويطرب بهمساتك
انا اغليك والله والله اني معك واغليك=ترفق بعين ٍ تسهر الليل بسكاتك
واحب النسيم اللي يذكرني بطاريك= واحب الهواء لن الهواء في محاكاتك

الحوراء بنت نجد< 1435هــ

**اللحالي الغيداني** · 19/10/14, (01:52 PM)

حياتي فرح في شوف زولك ولاوصّيك ؟/
انا اقول بنت الجزيره ؛ مبدعه ورائعه يالنجداويه

**الحوراء بنت نجد** · 22/10/14, (11:12 PM)

اللحالي الغيداني

ماعليك زود اشكر لك رقي احساسك

لك تقديري

**سليمان الجعفري** · 30/10/14, (02:51 AM)

الشاعرة القديرة / الحوراء بنت نجد
صح لساااانك قصيدة جميله جدا
الله يعطيك الف عافية .. لا هنتي
لك تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري