زمان الغدر

[مبروك الجابر]

زمان الغـدر

أخـــر زمن والله يعيـــن الرجاجيل = اللـي لهـــم في مــاض الأيام قيمه
اللي على الوقفـــات دايــــم مقابيل = ولا جيتهم بالطيب تلقــــاء حشيمه
وبيوتهــــم للضيــــف دايــم مداهيل = يلقا بهـــا علــــم النشامـــا غنيمه
ارجــال للأثقــــال وحمولها أتشيل = لونهـــــا مثــــل الجبـــال المريمه
ارجـــال بالطولات دايـــم مشاكليل = ما تنحنــــي لليــــاس ولا الهزيمه
راحوا هل الهقوات وهل المعاميل = اللي أتــــــوردك العــــدود القديمه
هـذا زمان الغــــدر والظلـم والميل = عــــز الذليـــــل وذل ناس كريمه
وقت يحط الكدش في مربـط الخيل = والحر يكفــــخ ميــــر حاله سقيمه
المرجلــه عنــهم كما نجمــة سهيل = ومـــا الــردى متمسكين بصميمه
ساس الردى ياناس ما يوفـي الكيل = هذا كلام الصــــدق ماهــي وهيمه
ناس تعكس القول والقـــول تأويل = وعميت عيونه عقــب ماهي سليمه
والراي واضـــح مير خلوه تضليل = واما المواقــــف كل ابوهــــا عقيمه
هذي صروف الوقــت ياناقل القيل = خليتها مـــــا بين كـــره أو نميمه
وقفت احلل ماجــرى اليوم تحليل = واحترت أنا مابين هــــذا وغريمه
لين إتضحلي منه ماكنـت انا اخيل = شــــي يغيــــر بالعقــول الفهيمه
وسلمت أنا امري للولي مجري السيل = محــي العظــام الباليـــات الرميمه

[هياء الضوي]

مبروك الجابر ,,,, صح لسانك شاعر متمكن وضعت امامنا صورة للواقع الذي نعيشه ورحم الله اسلافنا اهل الجود والكرم والمواقف والعادات الحميده وصفاء السريرة

[مبروك الجابر]

هيا الضوي

صح بدنك ولا عدمت تواجدك في متصفحي
كل الشكر والتقدير لك

وإليك التحية

[ابو غريب العبدلي]

صح لسانك ياخوي ابدعت

[سعود المسعودي]

صح لسانك ياخوي مبروك الجابر ابدعت ومو غريب عليك الابداع شاعر جزل

[حمد الضوّي]

مبروك الجابر


صح لسانك أبدعت لاشك بارك الله فيك





دمت بخير وعافيه