(ماجور يا قلبـي علـى الـحـزن مـا جـور)

[جايز المفوز]

بسم الله الرحمن الرحيم

هاذي القصيده مرثيه في الشيخ\ خليفه عقيل الرشــــدان

عزاه ياقلباً به الهم مسمور= هماً لجا بين المحاني مكينا

ماجورياقلبي على الحزن ماجور= الحكم لله والقدر به رضينا

والموت حق وكل نفساً لها دور= ومن جاه دوره راح والله يعينا

بيوم الاحد الصبح مع فجة النور=جانا رسول الحق مرسل علينا

قبل وصوله خاطري كان مسرور= وبعد وصوله ضاقت الارض فينا

بداء عذاب القلب وصدر محشور= والحزن خيم من يسار ويمينا

وأصبر واكابر بس بالحزن مجبور=سبة افراق الشيخ ليث العرينا

عليه قلبي كل الاوقات محرور= ولومات بعده حي لاما بكينا

عقبه حياتي كلها مرور بمرور= وذكراه عندي باقيه ما حيينا

مرحوم ياشيخاً به الطيب مخبور= راعي رفق للجار بر وعوينا

والصدق طبعه مانقل كلمة الزور= ولاثورالفتنه بين وقتاً وحينا

صبور مابه حقد والحال مستور= اخلاق ومروه كريم ورزينا

عساه بالجنه ويسكن مع الحور= برفقة رسول الله والمومنينا

في جنة الفردوس والذنب مغفور= ويارد على حوض الرسول الامينا

يااللي جعلت البيت بالدين معمور= اسمح وسامح ياالولي والدينا

اجعل مقر امي بساتين وزهور= واشفع لابوي ولالغيرك رجينا

وصلاة ربي عد ماشعشع النور= على الشفيع وسيد المرسلينا

الشاعـــــر \ يحيا خليفه الرشـــــــدان


( نقل محبكم \ ابواريـــــج)

[سالم صالح]

القدير / جايز المفوز ,,,

الله يرحم الشيخ / خليفة الرشدان ويسكنه فسيح جناته ,,,,

وصح السان الشاعر القدير / يحيا خليفة الرشدان ,,,

ونقل مميز ولكن يابو اريج المكان المناسب لهالقصيدة ,,, هي المختارات الشعرية ,,,,

تقبل تقديري

[جايز المفوز]

المشاركة الأصلية كتبت بواسطة سالم صالح

القدير / جايز المفوز ,,,

الله يرحم الشيخ / خليفة الرشدان ويسكنه فسيح جناته ,,,,

وصح السان الشاعر القدير / يحيا خليفة الرشدان ,,,

ونقل مميز ولكن يابو اريج المكان المناسب لهالقصيدة ,,, هي المختارات الشعرية ,,,,

تقبل تقديري

شكراً على المرور الرائع

[محمد دعسان]

القدير / جايز المفوز ,,,

الله يرحم الشيخ / خليفة الرشدان ويسكنه فسيح جناته ,,,,

وصح السان الشاعر القدير / يحيا خليفة الرشدان ,,,
وقول بيض الله وجهك ياالغالي
تقبل مروري
الله يحفظك

[جايز المفوز]

المشاركة الأصلية كتبت بواسطة محمد دعسان

القدير / جايز المفوز ,,,

الله يرحم الشيخ / خليفة الرشدان ويسكنه فسيح جناته ,,,,

وصح السان الشاعر القدير / يحيا خليفة الرشدان ,,,
وقول بيض الله وجهك ياالغالي
تقبل مروري
الله يحفظك

الغالي \ محمد الدعسان

تحيه طيبه لك على المرور المشرف والكلام الرائع

[بنت الكحيلا]

الله يرحم المتوفي ويجعله من اهل الجنة

وصح لسان شاعرها ويسلم ناقلها

والله يعطيك العافية اخو جايز المفوز

لك كل الشكر

[جايز المفوز]

المشاركة الأصلية كتبت بواسطة بنت الكحيلا

الله يرحم المتوفي ويجعله من اهل الجنة

وصح لسان شاعرها ويسلم ناقلها

والله يعطيك العافية اخو جايز المفوز

لك كل الشكر

تقديري لمرورك الرائع والمشرف على ما نقلت