اعوان الدهر - °~*¤®§(§ شبـــكة ويــلان العـربـيـه §)§®¤*~ˆ°

**سلمان العنزي** · 17/05/11, (08:21 PM)

السلام عليكم ورحمة الله وركاته

أقدم لكم قصيده للشاعر/ سعد بن جدلان

شاعر غني عن التعريف

و أترككم مع النص

علي كثرو أعوان الدهر والدهر ضدي= وذا حال من صارت ظروف الدهر ضده
تحداني الدنيا على غير ماودي= و حبل الردا رث إذا جيت بامده
بعض الأصدقاء لا جيت بقابله صدي =ومن كنت محتاج لوده بدىصده
ولا عاد لي غير أترك الدار واشدي= ومن عدني ولا فو الله ماعده
وصدر الفضا واسع مع الأفق ممتدي= ومن سار في درب وصل ولو بعد مده
اليا باروا الخلان و الحظ متردي= فلا للفتى إلا يترك الدار منجده
وخلن بدل خلن وحدن بدل حدي =وربي هو اللي يقصر العمر ويمده
تمسكت في حبل الصله وتعبت يدي= بلا فايده والحبل ذا اليوم باهده
وباقوس ثوبي دمت حين على قدي= و كلن يفصل له ثيابن على قده
و من لا يسد بواجبه مات ما سدي= ولا خير في من واجبه مات ماسده
باشد الرحال وبترك الدار من جدي= ومن له علي فضل ومعروف يرتده
ورزقي على اللي لا عطا يجزل المدي= و من يستعين بخالقه نال ماوده
فلا خير في من يقبل الضيم والضدي= ويخسى الذي تقصر عن المرجله يده

**بنت الكحيلا** · 17/05/11, (09:26 PM)

صح لسانك ولسان شاعرها

وتسلم اخوي سلمان العنزي

الله يعطيك العافية على حسن الإنتقاء

لك شكري وتقديري

**سلمان العنزي** · 17/05/11, (09:33 PM)

الاخت/بنت الكحيلا
صح بدنك ويعطيك العافيه
و شكرا على مرورك

**مشهور الرشدان** · 17/05/11, (10:01 PM)

القدير / سلمان العنزي

صح لسان شاعرها العملاق سعد بن جدلان وتسلم يمينك على نقلها
امتعتني كثيراً

**محمد دعسان** · 17/05/11, (10:11 PM)

سليمان العنزي بيض الله وجهك على النقل الرائع
تقبل مروري الله يحفظك

**غموض الشمال** · 17/05/11, (11:05 PM)

صح لسان شاعرها

وتسلم اخوي سلمان على النقل الرائع

تقديري لك

**مزون الوايليه** · 17/05/11, (11:35 PM)

ابياااات رائعه صح لسااانك اخوي

سلمان العنزي ولسان شاعرها الكبير
تقبل مروري وتقديري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري