يا صاحبي لا تزعجك دمعة العين - °~*¤®§(§ شبـــكة ويــلان العـربـيـه §)§®¤*~ˆ°

**نافع عيد الجديد** · 03/12/10, (03:09 AM)

يا صاحبي لا تزعجك دمعة العين
بعض الدموع تعقّب القلب راحه
اليا نزلت من ضيقةٍ فالشراييـن
يعود للقلب الحزيـن انشراحه
بلاك من دمعٍ محدّر على ويـن
ماله بساحات الرجوله مساحه
اما نزل لعيون سـاره وداريـن
والا بعد فوز الهـلال ونجاحـه
ما يطرح دموع الرجل غير ثنتين
ثنتيـن فيهـن دمعتـه مستباحـه
الاوله لا من غـدا الليـل ليليـن
في ساعةٍ كلٍ هجع في مراحـه
لا فز من نومه زبـون الامرّيـن
واعلن مع الرحمن ساعة صراحه
عدّه سجين وقصّته عقب يوميـن
لكن سبقْه العفو واطلِق سراحـه
والثانيه لا فارق القلـب غاليـن
فرقا مهي فرقا السفر والسياحـه
فرقا الكفن والمقبـرة والمعزيـن
فرقا سؤال المغفـرة والاباحـه
في غيرهن يا صاحبي ريّح العين
واستنقص الدنيا وتـزداد راحـه

**سعد بن هندي** · 03/12/10, (03:55 AM)

نافع عيد
سلمت يمناك على النقل وصح لسانك ولسان شاعرها ....
قصيده تحكي اللازم فعله بهاالدنياء وصدق الشاعر بكل ماقاله
تحياتي لكـ

**نافع عيد الجديد** · 03/12/10, (02:34 PM)

اقتباس:

المشاركة الأصلية كتبت بواسطة سعد بن هندي

نافع عيد
سلمت يمناك على النقل وصح لسانك ولسان شاعرها ....
قصيده تحكي اللازم فعله بهاالدنياء وصدق الشاعر بكل ماقاله
تحياتي لكـ

هلا وغلا يالله حيه
لاهنت على المرور المشرف
رعاك الله

**احساس قلم** · 03/12/10, (08:38 PM)

الله عليها قصيدة فعلا رائعه
تقبل مروري

**سعود المسعودي** · 28/12/10, (04:17 PM)

صح لسان شاعرها وشكرا لاختيارك الجميل

**بنت الكحيلا** · 28/12/10, (07:07 PM)

صح لسانك ولسان شاعرها

والله يعطيك العافية اخوي نافع عيد الجديد

تسلم على الإنتقاء الرائع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري