ابي اسأل اليل عن سر الهواء والغرام - °~*¤®§(§ شبـــكة ويــلان العـربـيـه §)§®¤*~ˆ°

**معيض بن عريفج** · 18/10/10, (07:34 AM)

ابي اسأل اليل عن سرالهواء والغرام = هو ليه الاحباب تختار الظلام البهيم
لان كل البشر تبي تعيش بسلام = وتتحقق احلامهم من دون سينن وجيم
فرحة لقاء بينهم والذ واحلا الكلام = والسر بوداعة الظلما وستر الرحيم
وابي اسأل الغصن ليه الريح هزه اشمام = واسأل لثامن وراه الشمس ووالجو غيم
وابي اسأل الجرح والسكين حد العظام = وابي اسأل العين والدمعه وخد اليتيم
وابي اجبر الخاطر اللي صار كله حطام = امساء معافا وجاه الصبح ماهو سليم
واسأل عيون السهر كم شوقها للمنام = وعن حاجة الضامي الى الما وبرد النسيم
واسال شموخ الجبال النايفات العظام = هل هزها الريح من ععهد الزمان القديم
واشره على البندقيه والفشق والحزام = والسيف والخنجر وقلب الشجاع العد يم
وابي اسأل الورد عن رقة جناح النعام = وابي السأل الشوك وآلااامه وصبر الحليم
وابي اسال الصقر ان ظاق الفضاء به وحام = واقراء عن ابو لهب واخذ براي الحكيم
ياخاطري لاتضايق سج شرق وشام = واصبر كما ايوب يوم انه مريض وسقيم
وانا ماعندي عصى موسى عليه السلام = يارب رحماك يامنزل من السحب ديم
وعقب عرفت الحلال وشفت حكم الحرام = قررت اهاجر بلاعودة شبه مستديم
واترك رساله وبيت(ن)أيل(ن)للهدام = وصورة جبين(ن)تجعد عقب ماهو وسيم
ملامح الحزن واثار الغلا والهيام = تعلو محياء البريء اللي بسن الفطيم
وان كان في قلبك من العطف واحد جرام = لاتضيع القلب خل القلب عندك مقيم
والله ماهز قلبي بين كل الانام = الاانت وانت اعتبرتك للمشاعر نديم
وشفت الإيجابات ماهي بالحقيقه تمام = وانته مخير وانا قنعان مافيه ضيم
وانا ادري اني عزيزك ياعزيز المقام = وانته تعرف اني اعزك من اقصا الصميم
وتخاف حسبتك تطلع لك خطا بالختام = وتخاف زلة ابونا ادم وحر الجحيم
وتخشى هروج السن اهل الحقد والوقت سام = والله مالومك لأنك شخص مانتب غشيم
وضليت واقف ولاترجع ولاتروح امام = ارتاح ولايوسوس فيك هرج الرجيم
انسى الامور القديمه والعلوم القدام = وتعال سوف وحنا اخوان ماني غريم
وابي اسال الحاتمي بالطيب وش للكرام = ولايردالكريم ان جاد غير اللئيم
لاياعريب الخوال وياعريب العمام = جزل المعاني نصنك وانت كلك حشيم
وانته سلالة هل التقدير والاحترام = واشد فتنه على الدجال بني تميم
ابيك ترجع مثل ماكنت قبل الكلام = وانا مابي شيء والله العلي العظيم

**محمد بن موسى** · 18/10/10, (08:08 AM)

معيض بن عريفج

لله درك اخي على هذا النص الشامخ

صح السانك مدد بلا عدد وصح كلك

قصيدة رائعه ومعبره

لاحرمنا الرحمن هذا التألق والتميز

كن بخير

**معيض بن عريفج** · 29/10/10, (04:22 AM)

اقتباس:

المشاركة الأصلية كتبت بواسطة محمد بن موسى

معيض بن عريفج

لله درك اخي على هذا النص الشامخ

صح السانك مدد بلا عدد وصح كلك

قصيدة رائعه ومعبره

لاحرمنا الرحمن هذا التألق والتميز

كن بخير

الاخ محمد موسى
هلابك ملايين وصح بدنك والرائع مرورك لاهنت تحياتي وتقديري لك

**masha3el ** · 18/10/10, (09:37 AM)

ابـي اسـأل الـيـل عــن سرالـهـواء والـغـرام
هــو لـيـه الاحـبـاب تخـتـار الـظـلام البهـيـم
لان كـــل الـبـشــر تــبــي تـعـيــش بــســلام
وتتحـقـق احلامـهـم مــن دون سيـنـن وجـيـم

الشاعر الراقي

معيض بن عريفج

صح لسانك على النص الراقي
معاني رائعه ومعبره
كلمات جميله وصور عذبه
لله درك على الابداع والتميز
وننتظر جديدك
تحياتي وتقديري

**معيض بن عريفج** · 29/10/10, (04:24 AM)

اقتباس:

المشاركة الأصلية كتبت بواسطة **masha3el **

ابـي اسـأل الـيـل عــن سرالـهـواء والـغـرام

هــو لـيـه الاحـبـاب تخـتـار الـظـلام البهـيـم
لان كـــل الـبـشــر تــبــي تـعـيــش بــســلام
وتتحـقـق احلامـهـم مــن دون سيـنـن وجـيـم

الشاعر الراقي

معيض بن عريفج

صح لسانك على النص الراقي
معاني رائعه ومعبره
كلمات جميله وصور عذبه
لله درك على الابداع والتميز
وننتظر جديدك
تحياتي وتقديري

الاخت مشاعل

صح بدنك وشاكر ومقدر لك مرورك ولك تحياتي وتقديري

**حمد الضوّي** · 18/10/10, (11:36 AM)

معيض بن عريفج
ــــــــــــــــــــــــ

صح لسانك أخي على هذا النص الشامخ بشموخ كاتبه أكرر صح لسانك وبيض الله وجهك ,,,,,,,,,,,,تقبل تحياتي

**معيض بن عريفج** · 29/10/10, (04:27 AM)

اقتباس:

المشاركة الأصلية كتبت بواسطة حمد الضوّي

معيض بن عريفج
ــــــــــــــــــــــــ

صح لسانك أخي على هذا النص الشامخ بشموخ كاتبه أكرر صح لسانك وبيض الله وجهك ,,,,,,,,,,,,تقبل تحياتي

الاخ حمد الضوي

هلابك ملايين وصح بد نك لاهنت وشاكر ومقدر لك مرورك ولك تحياتي وتقديري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري