قصيدة ( بالموت ) قالها الشاعر ....؟

[عايش الجويعان]

بسم الله الرحمن الرحيم

كان عقلا الجويعان مريض مرض وفاة وكل يوم يشتد عليه المرض وذات يوم جوه اقاربه يكافون عنه المرض وقالو طيب اليوم انت أحسن من كل يوم ( وتناجو ) وعرف قصدهم من التناجي مع معرفة حالة انه متوفي عن قريب قصدهم من المناجي ويقولون ( رايح الرجال ) وهو عرف قصدهم بذالك وقال هذه الابيات :

هاذا وديع الروح نوخ مفاجي = قالو شفيت وقلت والله مريضي
جتني سبور الموت ماهي مناجي = هاذا النذير ولا يفيد الفضيضي
ان جا ملك الموت مالي ملاجي = عقب الغلا غديت لون البغيضي
وان قدموني يم شين المهاجي = يقدا علي الثوب ماهو عريضي
في ضلمت(ن) ماسمع كثير اللجاجي = ولاعاد ينفع نوحهم والجضيضي
ماقلت وين المرتعد والعواجي = ماهمني مرباعهم والمقيضي
اقفا سلفهم فايضاً كل فاجي = مثل السحاب الياقتفاه النفيضي
يالله ياللي مال غيرك الراجي = أنت العوض وأنت العظيم المعيضي
يالله حسن الخاتمه هي مزاجي = وازبنك عن نارا ملكها غليضي
في ماقفا كل الخلايق حراجي = والناس كلاً مع طريقه يفيضي

تحياتي / عايش الجويعان

[نافع عيد الجديد]

صح لسانك ولسان شاعرها
والله يرحمه بواسع رحمته
رعاك الله

[غموض الشمال]

الأخ عايش الجويعان
تسلم يمينك على النقل
والله يرحم شاعرها
تقديري لك

[أبو غرام]

الله يرحمه ويرحم اموات المسلمين
رحمة واسعه يا ارحم الراحمين

والف الف الف شكر لك يا شاعرنا

على هذا النقل .. ودي وتقديري

[سالم صالح]

الله يرحم الشاعر الكبير / عقلاء الجويعان


وشكراً لك يابو خالد على هذا النقل المميز وياليت تنقل لنا من اشعار الوالد اطال الله بعمره فهو مدرسة شعرية

[صلاح الاشجعي]

يعطيك العا فيه على القصيده

والله يرحمه ويغفر له