على سطوحي رفرفي ياحمامه - °~*¤®§(§ شبـــكة ويــلان العـربـيـه §)§®¤*~ˆ°

**حمد الوايلي** · 22/04/10, (10:38 PM)

على سطوحي رفرفي ياحمامه=أما طلعت لفوق وألا انزلي فوق
تسمعي للشاعر اللي كلامه=يفيض بأحساسه طلاسم من الشوق
شاف الغلا والخوف صعب أنعدامه=يوم الأمل موصول لو هو بمعلوق
يامرحبا باللي عليه لزامه=أوفيه مهما كان له عهد وحقوق
جاني بعد ماغاب جا بالسلامه=يفرح فؤادي قبل مايفرح الموق
الشوق كون في سمايه غمامه=وامطر حضوره وابتدى عزف طاروق
مبطي غرامه ماأتطرى غرامه=غافي بحبه طول عمري ولاأفوق
أشرق بعد ماغاب واجلى ظلامه=يامرحبا به عد مالاحت أبروق
عرفت سر الحب وأغلى هيامه=وأشتل من قلبي موازين وأعروق
ياعاذلي ماني بقابل ملامه=أنا وفي للعهد مايمكن أبوق
كمل غلاه وكمله في تمامه=يجف حبري غصب والحب منطوق
والشاعر اللي هيضته الحمامه=تكتب يدينه شوق ماهو بمسروق

**نايف الشبيعان** · 22/04/10, (11:30 PM)

حمد الوايلي صح لسانك

ويعطيك العافيه

دائماً جزل لاهنت ولاهان منطوقك

جل احترامي وتقديري لما تكتب

**طلال معيض** · 23/04/10, (03:38 PM)

حاولت اقتبس بيت مالقيت بيت كل القصيده شامخه يالوايلي

الله يعطيك العافيه

تحياتي

**بدرفهد الجعفري** · 23/04/10, (04:19 PM)

حمد الوائلي .. صح لسانك

كالعاده مبدع

**معيض بن عريفج** · 25/04/10, (02:03 AM)

الله الله ياحمد الوايلي

صح السانك واعتلا شانك

كفيت ووفيت شاعر مثلك لايستغرب منه الابداع

لاتحرمنا من جديدك لتروينا من اعذب اشعارك

تقبل مروري البسيط ولك تحياتي

**اميرة الحرف** · 25/04/10, (08:41 AM)

ياعاذلـي مانـي بقـابـل مـلامـه
أنـا وفـي للعهـد مايمكـن أبــوق

حمد الوايلي صح الله لسااانك وانا اشهد ان ماعاد للعاذل كلام

دمت بخييييير

**سليمان مفضي العنزي** · 25/04/10, (05:22 PM)

الشاعر الكبير حمد الوائلي

صح لسانك على هذه القصيده الجميله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري