انا ابتسم لاضاق صدري علي........

[حمد الوايلي]

أنا ابتسم لاضاق صدري عليه=وأخلي الضيقه تضيع بمتاهات
ومن كثر مالي بالصبر مقدريه=أحس صدري صار كله صراعات
بعض الجروح العمر كله نديه=واجروح يشفيها الزمن في سهالات
الوجد غالي وأنقطع في يديه=ماضي يعيش وحاسبه ضمن الأموات
ابا أطلع من الضيق وماكان فيه=واعرض من الخبره حلول ومقالات
انت أعتبرها حكمة(ن) مع وصيه=وقت الرخا وفي وقت لاجات شدات
يلي مع الشدات تبغا الرديه=خل الردا واطرق سبيل الجمالات
الناس بالحاجات تلقا الحميه=تسعا مع الطيب وتقطع مسافات
لكن على ماقيل سيه بسيه=لازم يدور الوقت واتجيك ضيقات
وتحصد رداك بضيقة(ن )سرمديه=ويشقيك مايشقيك لادارت أوقات
أسمع وأنا بأنصحك وهذي عطيه=الطيب حي ومع هل الطيب مامات
دنياك لو زانت وجت لك هديه=يجي لها وقت وتمن العطيات
وهذا الزمن يبغا العزوم القويه=وتركيز في كل الهمم والأرادات
والمعرفه والموهبه جوهريه=وتطلع مع الفكر المحنك سياسات
اكسب من الجاهل وجود المطيه=وأكسب من العاقل وساع المسارات
واصنع من الهمه بنفسن شقيه=كيان شامخ يعتلي كل هامات
وأنا ابتسم لاضاق صدري عليه=واخلي الضيقه تضيع بمتاهات

[عبدالرحمن اليمني]

صح ألسانك أبيات من ذهب لجزلاتها أنت شاعر جزل وتستحق الشكر بعد شكر الله فأقول لك شكرا لك

[سعود المسعودي]

حمد الوايلي



صح الله لسانك وعلا شانك



تقبل تحياتي ومروري المتواضع

[غموض الشمال]

الشاعر القدير حمد الوايلي
صح لسانك جزل ومبدع
شامخه بشموخ كاتبها..ارويت الذائقه الشعريه من خلال هذه الفاتنه
دمت ودام ابداعك

تقديري لك

غموض الشمال

[أبو غرام]

الطيب حي ومع هل الطيب ما مات

لله درك اخي وصح لسانك على هذه الباذخه

ابدعت وعانقت عنان السماء بالجزل

لك من اخيك كل ود وتقدير

[نايف الشبيعان]

اخوي حمد


صح لسانك

وإبداع يدل على جمال ذاتك


لاهنت وبيض الله وجهك

[سالم صالح]

حمد الوايلي


ابدعت فامتعت القارىء صح السانك وكلك قصيدة فاتنة


تقبل تقديري وودي