الوقت ما يسوى جناح الذبابه

[صالح السالم]

يوم امتلا صدري هموم وكآبه=قامت تزاحم بي جديد الطواريق
تاتي ولا فيها عليه غرابه=واضمها بالصدر بين المعاليق
ان غاب شعري ما تحمل غيابه=ما اصبر على فرقاه لحظه ولا اطيق
والوقت ما يسوى جناح الذبابه=لا صار في وجهي ابوابه مغاليق
ماغير اسلي خاطري بالكتابه=واقول عل اللي بقا لي توافيق
واللي مضا لي من سنيني تشابه=خيبة امل ما غير من ضيق في ضيق
ضامي وانا عيني لكف السحابه=اخيل للغيمه وانا يابس الريق
من عاث به وقته من اول شبابه=يحس نفسه غير كل المخاليق
من جرح وقته ماتفيد الطبابه=غصنه ذبل وغصون غيره مواريق
رجاي باللي ما يخيب الرجابه=عسى الفرج من عند رب المشاريق

[مزيد المزيد]

الشاعر صالح السالم

والوقت مايسـوى جنـاح الذبابـه /// لا صار في وجهي ابوابه مغاليـق

كلمات ابحرث في حروفها وسافرت مع معانيها بين الواقع المّر والامل الجميل ...

صح لساااااااانك مليووووون وختامها مسك وخير من توجهت اليه :


رجاي باللي مـا يخيـب الرجابـه //// عسى الفرج من عند رب المشاريق

دمت بخير

[هندي المقبل]

الشاعر صالح السالم

صح لسانك على هذه القصيده الجزله كعادتك

تحمل الكثير من مواطن الجمال والصدق

شكرا لك وتقبل مروري

[سالم العنزي]

صالح السالم .......صح لسانك

وبيض الله وجهك على هذه القصيده الجزله

تقبل مروري المتواضع

[البدر]

قصيد جزل

صالح السالم صح لسانك

بدايه جميله ونهايه ولا اروع

تسلم

[عاشق المعالي]

يامال العافيه ياصالح السالم

تسلم على هالابداع

امتعتني بجد

صح لسانك

[عوض بن خميس]

الاخ الشاعر الكبير صالح السالم
تحية اجلال واكبار على هذة التحفة الشعرية الفاخرة .والتى لايجيد حبكتها سوى كبار الشعراء امثالك مبدع ومحنك وجزل وصاحب اخلاق عالية ورجولة وشاعرية جمل الله حالك ورحم الله ولديك على هذا الابداع الغير مستغرب منك. تحياتى ومودتى