صراعات .. نزاعات .. اندفاعات .. سبع سنوات

[عايدالعنزي]

عشت سبع السنين اللي مضت في صراع=وحسب انـي سعيداً مااعيـش ابصراعي
أحسـب الحـب بــا قــي مــا يصيرالـنـزاع=لكـن العكس صـار وصار معه النزاعي
نعـنـبـوا ذاك يــومــاً جــرنــي لـلـضـيـاع=نعنـبـوا ذا ك لـيـلٍ بـــه تـبـيـن ضـيـاعـي
مـاتـفـيـد الـنـدامــه لــواعــض الـصـبــاع=وماتفيدالحـسـايـف عـضـتـي للصـبـاعي
احسـب الحـب صعـب لغيرشخصـه يـبـاع=ليـن شفـت الحقيقـه حـب غيـري وباعـي
عشت سبع السنيـن وعيشتـي فـي خـداع=وحـسـب انــي سعيدوماهقـيـت الخـداعي
أنـكـشـف كـــل شـيـاًكـان خـلــف الـقـنـاع=تحـسـب انــي غشيماًمـااشـيـل القـناعـي
تـعـتـقـد مالـكـتـنـي بـالـعـيـون الــوســاع=كــن مافـيـه حــواء تمـتـلك هالـوسـاعي
مـاع حـبـك بقلـبـي يـاريـش العـيـن مــاع=آآه لاواخـسـاره كـيــف هـالحـب مـاعـي
راح ذلــك الـغـلا الـلـي مسـتـواه ارتـفــاع=عــزة النـفـس عـيـت تقـبـله بارتـفـاعي
كــل يـومــاً بـطـبـع وكـــل لـيــل بـطـبـاع=مـن غــروراً ذبحهـا تختـلق هالطبـاعي
عشـت سبـع السنيـن وكلهـا لك مطـاع=واحـسـب اني سعيد وماطلبـتـه مطـاعـي
ويـــل قـلـبــاً يـحـبــك عـيـشـتـه بـلتـيـاع=لــيــت هـالـقـلب يصبرلايزيد الـلتـيـاعـي
مـن يطـيـع الـعـواذل ويستمعـهـم سـمـاع=يحترق مــن شـكوكٍ مستمعها سماعي
كـــل سـراً بـصـدرك أحـفـظــه لايــذاع=عـكـس ذاك الاالـيـم اللي للاسـرارذاعـي
مـــن يـحــب التـغـيـر مـالـه اليـوم داع=ابعـده مـن حيـاتـي ومـالـه الـيـوم داعـي
عشـت سبـع السنين ولانـويت أنقـطاع=واحسـب انـي سعيد ومانتطـرت أنقطاعي
غابـت اليـوم شمسي مابقـى لي شعـاع=واظلمـت كـل فرحه مع ظـلام الشعـاعي
قلـبـي اخـلـص لحـبـه فــوق مايسـتـطـاع=واجـرحـتـني بـقـولة مالهامسـتطـاعـي
صـرت مثل الصغيـر وعيشته هالرضـاع=صـرت مثله أعـيـش وحبهاهورضـاعي
كـــل شـياً اذوقـه مـثــل ســم الافــاع=واشربه طول عمري ما حسبه سم أفاعي
عشت سبع السنين وحالتي في وجاع=واحسب اني سعيد ومااشتكي من وجاعي
صـرت أنافـي هجومـه والوسـط والـدفـاع=كــل مـا قلـت فـزنـا يعترضـنـا دفـاعي
اتـحـامــل عــلــى نـفـســي واشــدالــذراع=واتحـمـل مـن يـحـاول بـلـويـة ذراعي
والله الـحـب فـيـني زاد مـاهــو ابــتـداع=مخـلـصٍ يـشهـد الله مابتـدعـتـه بـداعي
كــل خـايــن بـوجهـه مـاله أي أتـسـاع=تكثرأهمـومه الـلـي كــل يــوم اتـسـاعي
والهـوى العذب يـاصـل مـايرده اشـراع=يفـهـم أنــي أحبـه وماطـويت الشراعي
عشت سبع السنين وصارآخرهن صداع=وأحسب اني سعيد ماشتكي من صداعي
المحـبـه ابـدمـي صــدق مـاهـي أخـتــراع=المحـبـه صعـيبـه مـاتـجــي بختـراعي
أحترق هــم وابكـي لكل ذكـرى اجتـمـاع=أنـقهـر وآتـعــذب يا ذكــرت أجـتـماعـي
كـل مـابي خفيـته بـيـن عــوج الـضـلاع=وسـط قـلـبٍ جـرح ويمسكـنـه ضـلاعـي
رحـت أببعد بـعـيد وجـيـتـهـا بـنـدفـاع=مـدري وشلـون عـنـي أبـعـدت بأندفـاعـي
مــن يعيـش السـعـاده للشـقـا مــا يــراع=يـاعـذابــي أنـااللي للـتعـاسـه أراعـي
عشـت سبـع السنـين ولانطـقـت الـوداع=وأحسب انـي سعيـداً لين قالـت وداعي

آآآآآآآآآه

سبع سنوآآآآت
ربما كان خيال فقط

[هبوب العنزي]

أنكشـف كـل شياًكـان خلـف القنـاع
تحسـب انـي غشيماًمااشيـل القناعـي

الشاعر القدير((عايد العنزي)) صح منطوقك ترليووووون قصيده تذوقتها الى حد الثماله ,,مبدع ياعايد

[أبو غرام]

الله الله عليك اخوي الشاعر امبدع عايد

قصيدة معبره كتبت من صميم الذات

لا املك ان اقول الا صح لسانك على صدق بوحك

مبدع حتى في معاناتك

لله درك

اخوك ابو غرام

[عايدالعنزي]

المشاركة الأصلية كتبت بواسطة ابو غرام

الله الله عليك اخوي الشاعر امبدع عايد

قصيدة معبره كتبت من صميم الذات

لا املك ان اقول الا صح لسانك على صدق بوحك

مبدع حتى في معاناتك

لله درك

اخوك ابو غرام

اخوي الغالي

ابوغرام
صح بدنك وكلك

حضورك يسعدني ويشرفني

كل الشكر لك ايها الرائع

ماننحرم منك

لاخلا ولاعدم

لك

تحياتي

وتقديري

[نوف الفيصل]

الشاعر عايد العنزي اقول انت شاعر تخلي الى ميحب الشعر يحبوه سبع سنوات ياعايد وتقول يمكن خيال صح منطوقك يادبلوماسي

[عايدالعنزي]

المشاركة الأصلية كتبت بواسطة نوف الفيصل

الشاعر عايد العنزي اقول انت شاعر تخلي الى ميحب الشعر يحبوه سبع سنوات ياعايد وتقول يمكن خيال صح منطوقك يادبلوماسي

الاخت العزيزه

نوف الفيصل

صح بدنكِ وكلكِ

حضور من نور

اعتز بكلماتكِ التي اسعدتني

كل الشكر يانوف وماننحرم يارب

لاخلا ولاعدم

لكِ

احترامي

وتقديري

[خــالد العــزاب]

شاعرينا الجميل عايد العنزي
قصيدة رائعه

فيها من الابيات والصور الجميله

الا وان تكرا الصدر والعجز يعتبر في النقد ضعفا .!
كـ /
(للضـيـاع ضياعـي الصـبـاع للصباعـي يبـاع وباعـي)
الا وان هناك جماليات اعجبتني جداً.!
المحبه ابدمي صـدق ماهـي أختـراع
المحبـه صعيبـه ماتجـي بختـراعـي

بيت ولا اروع.!!

تحياتي واحتراماتي.!