بعد ماغربت ..بيض الليالي=فقدت من البشر ..ياناس غالي
حبيب ٍ كان لي ..ماكان ينبض=مابين ضلوعي .اللي كان خالي
عليه ..أبكي ..ولو ينفع بكايه=لاسيل وادي ..ماقيل ..سالي
حبيب ٍ ..لو يعرف اللي حصل لي=بعد فرقاه ..ردد ..عزتالي
عليه أنوح ..لا ناحت حمامه=على فرخ ٍ لها ..بالعش خالي
تلد العين ..يمنى ثم يسرى=لعل وليت ..تلقى له توالي
على اللي ..مارحمتني واستباحت=خفوق ٍ ..لمها ..دون الغوالي
حنونه ..ماتشبه ..كود ب امي=وكانت مالي (لالا)..راس مالي
عليها أنوح ..لين ينوح ..معيه=حمام الدوح ..في روس العوالي
فلا ..ياجر قلبي ..جر ..حر=رماه الحظ ..بيدين ..الموالي
وهو مطلوب دم ٍ من قرابه=وتبروا منْه ..عمان ..وخوالي
على ولفٍ ذبحني قبل اشوفه=ولو ما شفته ..أشعر به قبالي
اليامني بغيت اسلاه ..طاحت=دمعه عيني ..تثبت لي ..هبالي
ملكني ..وصرت له رقٍ ٍ وانا اللي=ملكت الرق ..في وقت مضى لي
ياوقت البين ..يامكبر صوابك=تذل الحر ..ذل ..بلا ..نزالي
خذيت اللي حضوره هو حضوري=ونوري ..لاظلمت سود الليالي
خذيت اللي غيابه هو غيابي=واخر ..حد ..ذكرى من زوالي
فتون ٍ سوت بقلبي ..سوايا=وخطت من دمي ..لا للوصالي
بعد ..مامدت يديها ..وسلت=من الخفاق ..عرق ٍ مايبالي
وحطت فيه وسم ٍ ..مايغير=وصاح العرق ..هل للحب والي
فلا ياوجد حالي ..يوم رحت=وجود ..العود ..في فقد العيالي
بعد ماجاوز التسعين عمره=لفاه العلم ..في فقد ..الرجالي
ثلاثه ..مابهم من قال ..أفف=اليامن قال ..من هو للثقالي
وجابوا له خبرهم ..قبل مغرب=ثلاثتهم ..فقدهم ..ثم قالي
الا يالله ( ياسامع ندايه)=تقبض الروح ..يارب الجلالي
بعد ماشاف عجوزه تصيح=وتشق الثوب ياويلي عيالي
وانا اقول ياربي ..طلبتك=تحفظ ..اللي رمتني ..بلاقتالي
وتسعدها ..ولوهي عني راحت=وترحمني بقبري ..واتعفى لي
عن ذنوب ٍ بها ..يارب ..اغرق=ولا ..لي الا انت ..تجبر ماجرالي
ولوإني حي ..ميت من بعدها=سمية من يسمونه ..غزالي
يغنيني ..على لحن الأحبة=وفيني ..سوا ..مشفتوا بحالي
05/04/09, (07:39 PM)
بــ عد ما ..غربت بيض الليالي
العرض المتطور
