احنا حبايب لمحمد الشهري

[فاطمه الجعفري]

نص جذبني لدرجه اني حفظت القصيده من رقتها وروعتها

صدقيني العيـد نفسـه ماتغيّـر مـن سنيـن=فرحة اطفال وعيَادي أهْـل واحبـاب وقرايـب
والتهاني والهدايـا وقولـة "مـن العايديـن"=وإلتمام الشمْل يوم العيد .. وانسـام الهبايـب
كل حاجه مثل ماهي بـس انـا حالـف يميـن=إنّ لاغبتي بسجّل نفسي فـي هالعيـد غايـب
وارجعي بالذاكره للخلـف .. وانتـي تعرفيـن=ليه احس العيد عقبـك جيّتـه جيّـة مصايـب
ليه لا طالعت كـرت العيـد اكفكـف دمعتيـن=من ذكرت اعيادنا وايام كـان الوضـع طايـب
اذكر اني من "مصلى العيـد" وانتـي تذكريـن=كنت اسابق خطوتيني متّجـه يمّـك .. وذايـب
لجل اكون الشخص الاول لجل منّـي تسمعيـن=في صباح العيد جُملة "كل عام احْنـا حبايـب"
لجل نكتب خلف كرت العيد .. ذيـك الكلمتيـن=كنت اجيك بقلب طفل وطيش شاب وثقل شايب
وانتي في أجمل ثيابك كاشخـه والزيـن زيـن=تثبتين انك عجيبه .. غير عن كـل العجايـب
كنت اعايد معْك حالي حـال باقـي العاشقيـن=شايل ٍ روحي علـى كفّـي واقدّمهـا وهايـب
وادري انّه مايهمّك ويش اجيـب مـن الثميـن=كان همك جيّتي ما كان همك .. ويش جايـب؟
فرحة العيد .. بلقانـا كانـت اصـلاً فرحتيـن=شبْه ضحكات الورود وعـدّ زخّـات السحايـب
ماليوم العيد طعم .. ومالهـا الذكـرى حنيـن=وكلّ منّا في مكـان وكـل واحـد لـه طلايـب
الرجا في "عيد الاضحى" يمكن انّـك ترجعيـن=ما أقول إلا "عسى الله يجزي من كان السبايب"
وان رجعتي وشفتي انّي فـي عـداد الميّتيـن=ذا أنا بوصِيك حاجه .. قبـل تنحـطّ النصايـب
طالبك في كـل عيـدٍ بعـد موتـي .. تكتبيـن=خلف كرت العيد جُملة "كل عام احْنـا حبايـب"

للشاعر محمد الشهري

[عبدالعزيز السعود]

طالبك في كل عيـدٍ بعـد موتـي .. تكتبيـن
خلف كرت العيد جُملة "كل عام احْنا حبايـب"

قصيدة رائعة وأنتقاء جميـــــــل .وذائقة راقية ..فصح لســان قائلها وسلمت يد ناقلها ..

[شمــــــــوخ]

/

طالبك في كل عيـدٍ بعـد موتـي .. تكتبيـن
خلف كرت العيد جُملة "كل عام احْنا حبايـب"


/


فَاطمَه }

آختيَآركِ قِيْثَارَةُ سَمَاءٍ تَجُبُّ مَاقَبْلَهَا,

لاحَرمَنا المْطرّ



شمُــــوخ

[جبار بن عابر]

اذكر اني من "مصلى العيد" وانتـي تذكريـن
كنت اسابق خطوتيني متّجه يمّـك .. وذايـب

لجل اكون الشخص الاول لجل منّي تسمعيـن
في صباح العيد جُملة "كل عام احْنـا حبايـب"

لجل نكتب خلف كرت العيد .. ذيك الكلمتيـن
كنت اجيك بقلب طفل وطيش شاب وثقل شايب

وانتي في أجمل ثيابك كاشخه والزيـن زيـن
تثبتين انك عجيبه .. غير عن كـل العجايـب

كنت اعايد معْك حالي حال باقـي العاشقيـن
شايل ٍ روحي على كفّـي واقدّمهـا وهايـب

وادري انّه مايهمّك ويش اجيب مـن الثميـن
كان همك جيّتي ما كان همك .. ويش جايب؟

اللــه اللــه

شايل ٍ روحي على كفي واقدمها وهايب
قمة الابداع والروعـــــــه ..

اختي / فاطمــه

طابت اوقاتك بكل خير...

اتيتــي كعادتـك بعذب الكلام وهنا انــتــقيتي للشاعر العذب / محمد الشهري

فااحسنتي الانتقاء من بستانه هذه الورده .. فشكرا لك

وشكرا للشاعر محمد الشهري على هذا الابداع المُتناهي الجمال ..,

[فهد الشافي]

فاطمة الجعفري اختيار رائع تشكرين عليه

ذائقة ادبية رائعة المستوى مليئة بالفنون الادبية

المميزة

شكري وامتناني

[الجوكر]

أختي الفاضله

فاطمه

أختيار قمه بالعذوبه وبرقي المفرده..

وهذا ليس بغريب على متفرد عذوبة الكلمه


محمــد



شكراً لك بلاعدد...تقديري

[نافع عيد الجديد]

قصيدة رائعة وأنتقاء جميـــــــل



طالبك في كل عيـدٍ بعـد موتـي .. تكتبيـن
خلف كرت العيد جُملة "كل عام احْنا حبايـب"

صح السانك والسان الشاعر محمد الشهري

سلمت اناملك اختي فاطمه

دمتي بسعاده