***الضيـــــقة***

[سالم صالح]

ابيات متواضعة ارجوا ان تحوز على رضاكم وذوقكم الذي اعرف انه لايجوز له الا كل ماهو نادر وجميل بس الجود من الموجود

الضيقة اللي بالصدر مالها حل=تراكمت فيني وصارت عظيمة
تسج رجلي للفضاء يمكن وعل=تخف همومٍ بين ضلوعي اليمة
اقول واللحن واعيد اللحن شل=كله لجل قلبٍ جروحة وخيمة
بس البلا صَّدي وانا اقول ماتحل=ياغير افك القلب وافضح غريمة
يابولؤي بعض البشر عقلة اختل=انبير فكرة ماله ايّات قيمة
عايش شتات بكل لحظاتها ضل=حالة ضياع وضعٍ الله عليمة
السان حاله ينطق وقولهم زل=تنهش بعضها جوع والا هزيمة
تقاطعوا ببطونهم نار تاكل=حصاد الالسن دوم نارٍ هشيمة
احدٍ وطى الازهار واليوم تذبل=مواطي الاقدام حقد وجريمة
واحدٍ يسب الطيب والطيب يسأل=هو ليه مايرقى ويخلي الشتيمة
هو ليه لاصعبت خطاوية ينبل=يم الذي يمشي خطاوي سليمة
اكرر المعنى واجيبه واعدل=كل السبايب من سهام النميمة
ياهو ياللي دروبك العام تشتل=ابعد وفارق كل يترك نديمة
وعندي ترى لك مني الحين منهل=تفرد بعلمك وسو الكريمة
وعبّد دروبٍ للبشر خلها زل=ولاتصير بوجه الطيب عوق وظليمة
وهالضيقة اللي بالصدر جبت له حل=ركعات تال الليل تكسب غنيمة

وسلامتــــــكم

[القايد]

الاخ العزيز سالم صالح

حضور. رائع صح لسانك والله ان النميمه اكبر جريمه

تسلم وتسلم ذايقتك الرائعة بلاحدود صح لسانك

لك تحياتي وودي

[تركي صالح]

الاخ القدير / سالم صالح

صح لسانك وسلم بنانك

قصيده صيغت بأسلوب شاعرها المنفرد

واللتي تحكي عن النميمه الصفه البغيضه بين البشر

موضوع رائع قل ما نقراءه هنا

سلمت ودمت

وتقبل فائق التقدير والاحترام

[سعود المسعودي]

الاخ العزيزالشاعر/ سالم صالح
الله يسلمك وصح لسانك على هالرائع
ودمت بخير وعافية

[اميرة الحرف]

في هذه الصفحه ماأجبرني على تسجيل دخولي
ابيات رائعه من شاعر رائع

اخوي سالم صح الله لسانك يالجزل

وهالضيقة اللي بالصدر جبت له حل
................ركعات تال الليل تكسـب غنيمـة

عزالله لقيت دواها وعند الله لكل ضيقه فرج

دمت بطيب

العيووف

[سعود العواجي]

سالم صالح

بيض الله وجهك على هالنصيحه والقصيده

تأكد بانك تسير نحو الافضل دائما ً مثلما عهدناك ..


الله لايهينك ياابو صالح وصح لسانك

[عبدالله الحجيلان]

سالم صالح


صح قلبك



حضور رائع