لـو كـل قـولً يـمـلـك لـسـان رجــال ؟ مـاكــل مـايــطـــري عــلــيـنـا نـقـــولـه !!

[منصور الرويلي]

يقولون عند المواجه عيون الرجال حـراب = وأنا عشقي لنظراتن يشرفني مشاهدها
أجي كلي لها عاشق وأدوّر للقبال أسباب= على وقفة وفا صادق وعلى الموقف معاهدها
وأذا هابوا لقاء الموقف أجي له صاملاً ماهاب = شجاعً وأمشي الخطوة من أدناها الى أبعدها

[poet font="Arabic Transparent,4,white,bold,normal" bkcolor="transparent" bkimage="backgrounds/3.gif" border="solid,1,white" type=2 line=200% align=center use=ex length=0 char="" num="0,black" filter=""]
هــاجـــس ؟

.

شدني للشعر هاجس وأبتدى نظم القصيده = ثورة الشاعر قصيدة بالحروف الابجديه
لابغيت أكتب لقيته داخلي ماهي بعيده = ترتسم قدام عيني في غرور ونرجسيه
كنها يوم أحتوتني سيــّـدة وأصبحت سيده = همسها بوح المشاعر وأغـمرتـني شاعريه
قلت وهي تآمر علية وش بغيتي ياعنيده = قالت حروف القوافي ؟ قلت خوذيها نديه
أكتبي هالحرف معنى بس لا كــّرر وأعيده = وآقلب المعنى عليكِ ؟ وردة أفعالي قويه
قالت آمر تدلل صرت بوجودك سعيده = لا تهدد لا توعـّـد كسرة الخاطر خطيه
وأنشرح صدر القصايد وجتني الفكرة وأجيده = يحبكة واسع خيالي لين تصبح دائريه
تلبس الفكرة حروفي وأقنص المعنى وأصيده = وأتسع رسم الدوائر لين صارت لولبـيـه
لعبتي ؟ والفن فني ؟ ولعبتي دائم فريده = تنفرد بجنون شعري لين تصبح سامريه
ماحسبت حساب غيري لو فعل ضدي مكيده = أصدح بصوتي وأغني في شموخ وعنجهيه
واثق الخطوة مليكٍ مادرى بغاية عبيده = تصغر بعين الاكابر من بلاويه الـبـلــّـيه
هي كذا يوم أسئـلـتـني تـنـتـظـر علمٍ تريده ؟= القمر غير الكواكب والكدش غير العــّبـيـه
0
[/poet]

أنتي بعيني سيدة كل هالجيل = ياعـزوتي يارأس مال الكرامه
وبحق من نــّـزل تبارك والانجيل = أنك بقلبي لين يوم القيامه

[poet font="Arial,18,white,normal,normal" bkcolor="purple" bkimage="" border="solid,4,indigo" type=2 line=200% align=center use=ex length=0 char="" num="0,black" filter=""]
لا يـاوجــودي وجــــد بـنـت الـمــطـالـيـق = لاشـقــت ثــيــاب الـحـــيـا مـن قــهــرهـا
[/poet]

[poet font="MS Sans Serif,4,white,normal,normal" bkcolor="transparent" bkimage="http://www.arabsgate.com/poems/bgrounds/bg60.jpg" border="double,10,white" type=2 line=200% align=center use=ex length=0 char="" num="0,black" filter=""]
أصـدقاي وبـعـض خــلاّني ؟!

0

جيتي وجبتي الذكريات القديمه = ومع جـيـّـتك ياما تذكرت الاحوال
أيام كانت من نديم .. لنديمه = الجو صافي وليلنا بيننا طال
يوم الوفا يمطر من الشعر ديمه = سحـبً تـّرزم بالسماء والوطا سال
الروض مخضر والمعاني عديمه = شوفه يسر البال يامنوة البال
والكل منا قال : الله يديمه = لكن صحيح أن كل مازان رحال
اليوم ضـّـلل في سما الجو غيمه = غيمة جفا غيمة لقا غيمة أقبال
ولاح بسما جـو القلوب الرحيمه = نبع الوفا بين التجافي والاوصال
لكن وربي وأفـهـمي ياكـريمه = أن لكِ مكانً ماوصله كل رجال
مكانتك بالنفس جداً عـظـيـمـه = وأعـظـم كثير من القصايد والامثال
أنتي بروحي ساكنه مستديمه = منساك لو بـُعـْدك عّـلي الدهر مال
أنا عرفتك ياالعظيمه حليمه = ياما تحملتي عـظـيمات الاهـوال
وتأكدي أهل النوايا اللئيمه = اللي مع العالم يسمون عـذآل ؟
أقسم بربي وأفهمي يافهيمه = هم السبب ياالغالية بكل الاحوال

.

[/poet]

[poet font="Tahoma,14,black,bold,normal" bkcolor="transparent" bkimage="" border="ridge,10,deeppink" type=2 line=200% align=center use=ex length=0 char="" num="0,black" filter=""]
الدمع من عين الجوازى له أبعاد = ليت الشعوب اليعـربّيه جـوازي
عدونا وقته مسرات وأعياد = وأوقاتنا مابين حزن وتعازي
[/poet]



[poet font="Tahoma,13,darkblue,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
الهقاوي كبيره عـنـدها يـصغـرون = أعـتـبـرهم حـروفٍ تـنكـتـب في سطـر
والمسافه طويله وين ( ما ياصلون ) = كل ماطال دربي شفت واحد صَِغـر
ويش ذنب القصيد ؟ أن كان مايفهمون = وين ذنبي أنا يوم آتـشــظى شـِْـعـر
يوم أنا أقـرا الاماني توهم يكتبون = ويوم أنا أكتب زمـاني مابهم من كُـبَر
[/poet]

الندم وطعون الايام والوقت وعناي = وين مالديت وجهي شفتها تبرالي
آه وجرح قلبي كل ماقبل مساي = من همومً بصدري بالحشا تجتالي
كل ماأستعذبت حزني بدا يبحث خفاي= وأنفجر بالحنايا وأبتدى زلزالي
وكل دربً مشيته ماوصل منتهاي = تعترض في طريقي صدمتي بظلالي
لين تعبت أقدامي بين رايح وجاي = أدري أنه أهــّـبال ومقتنع بهبالي
أحسبنه تعـدل كل مايل عصاي = لين طاحت عصاتي وأنكسر تمثالي
سـود الوجـّـيه اللي بالخفا من وراي = بالقبال أصدقايه وبالقفا عذالي
أقرب الناس صارو بالمواقف أعــداي = ماحسبت الخيانه وماخطر في بالي
أن زيف المشاعر هو سبايب بلاي = بسم كلمة صداقه وش جرى في حالي
كنت أداوي أطعونه وأنطعنت بقفاي = من طعني صديقً لا نطعن يلجالي
شوف ماأسع أطعونه وين أبلقى دواي = طعنة الغــدر خنجر بالحشا قتالي
يلعن الشعر كنه يوم ياصل مداي = معجزات القصايد وشامخات أمثالي
لعنبو هالصداقه . لا . لابو أصدقاي = لابو صدق النوايا .. لابو قلبً خالي
لابو طبع الضعافه ولابو حتى رجاي = دام كأس المرارة شربته تصفالي
مالقيت بحياتي من يـقــدر وفاي = كل ماقلت هــذا طاح من رأس عالي
بين عـثرة صديق وبين صــد أقرباي = رحلة العمر غربه طعمها يحلالي
والندم وطعون الايام والوقت وعناي = وين مالديت وجهي شفتها تبرالي

لـو كـل قـولً يمسـك لـسـان رجــال = مـاكــل مـايـطــري عـلـيـنـا نـقـولــه
يـاضـايـعً بـيــن المـعـانـي والاقــــوال = كـنـت أحسـبـنـك تـفـهـم الـلــي تـقـولـه
بالشعر تضرب بالردى زيف الأمثـال = وأنـــت الـــذي مـافـيـك ذرة رجــولــه
يامـدعـي قــولً كـسـر قـلــب رجـــال = نـجــم الـثـريـا .. يـاثــرى ماتـطـولـه
يـوم أنـت ماتملـك مـن الطيـب مثـقـال = هــذاك لـجــل الـطـيـب يـامــا عـنـولـه
أنسان صيته ينتقل عبر الاجيال = والقول تلقى شاهده قبل قوله
الشـاعـر الـلـي ينـشـد الـحـال بالـحـال = مايجـرحـك بالأسـئـلـه مـــن فـضـولـه
لولا المواقـف مـنعـرف كل رجال = الفرق باللي نادراتٍ فعوله
اليا زبنت أزبن على طيب الخال = فرحة ضمير اللي من الضيم جوله
اللي معك بالجاه والحال والمال = وتضرب به الامثال عند المقوله
قـرمً مـجـرب باللقا نادر أعـيال = لاصار حولك كن تسندك دوله
الفعل يبغى له صميدع ليا قال = بالفعل يثبت واقعه مع مثوله
ماهـو مـن اللي لا تجـّمـل ولا نال = وحبل المراجل عالياً مايطوله
خله على ياليل .. ياليل .. يالال = نشوة نديمً شاع دمه كحوله
ذاك الذي طيبه مع الناس بمثال = واقع فعوله عكس ماهو يقوله
شاعر يغني له من الشعر موال = يوم أنهم من غيهم صفقوله
هـو يدعـى نبل المـبأدي ولا طال = مثله كثير اللي تعـرى ميوله
بيـنـه وبـيـن الطـيـب أبــواب وأقـفـال = ولاكــــل بــــابٍ يـنـفـتــح بـالـسـهـولـه
للشعـر وجـهٍ لونـه أسـود مــن الـشـال = لاصــار يطـعـن بالخـفـا ظــل زولـــه
رجـال يسـوى بالمـواقـف لــه رجـال = ورجــال مـايـسـوى مـؤاطــي نـعـولـه
ياصاحبي طالت على كل منوال = كـثـيـر نـاسً يدعـون البطوله
بس البطوله بالمواقف للابطال = اللي بهم طبع الوفا والرجوله
ولو أنها ياصاحبي رزة أشكال = تساوت الانذال وأبن الحموله

ياورد كم معنى جميلً حملته = وكم صرت رمزاً للمحبين والحب

[فاضي عبدالعزيز]

الشاعر//منصورالرويلي



صح السانك بداع رائع

كل مقريت بيت لقيته اجمل من الاول



الله ما أجمل وروع بداعاتك




لاهنت

[تركي صالح]

الاخ الشاعر / منصور الرويلي

نثرت هذه الدرر هنا مرتً واحده

ومن قوة جمالهن لم نستطع التمييز أيهما الاجمل

فكل واحدةً اجمل من الاخرى

فلو كان نثرك لهذه الدررعلى فترات

وكل واحدةً على حده

لكان لها الاثر الاقوى والاجمل لدى المتلقي

ليتمعن بجمال قصائدك الرنانه الرائعه

بروعة ما يكتبه منصور الرويلي

صح لسانك وسلم بنانك

ودمت لنا بكل خيراً ومعزه

وتقبل فائق التقدير والاحترام

[منصور الرويلي]

الغالي فاضي عبدالعزيز


شكـراً عـلى الـحـضـور والاطــراء

تـحــيــاتـي لــك

[فرحان العنزي]

الشاعر//منصورالرويلي



صح السانك بداع رائع

[مشعل الضوي]

صح لسانك على هذا النموذج الرائع فهذا ما كنا ننتظره منك

تقبل تحياتي

مشعل غريب الضوي

[ماجد علي الدعيجي]

الشاعر // منصور

موجات من بحر مبدع ورائع يا الغالي