رد الشاعر \\محمد هايش الرويلي على أعتذار الشاعر الكبير \مطلق فهد النومسي - °~*¤®§(§ شبـــكة ويــلان العـربـيـه §)§®¤*~ˆ°

**محمد هايش الرويلي** · 18/01/06, (02:29 AM)

يالله يامد مر طغاة الفراعـــــيــــن = ياناصر الأسلام لــيوم القـيامــه
تكفينا شر ابليس وانس الشياطيــن =أهل الوشايه والحسد والنـــمامــه
طالبك تهدينـا لشريعة هل الديــــن = نسلك طريقاً معــتـدل باستقامــه
داعيك تجمع شملنا يالله تـــعـــين =على طريق الحـــق بلــيا نـــدامه
يابن فهد عذرك على الراس والعين = ياشاعراً ماجا خطا في كـــلامـــه
يالنومسي مافـــــيك شك ٍ وتخميـن = ياحاملاً تاج الفخر مع وسامـــه
يالجعفري يانسل شيوخ وسلاطـــين = انتـم اصحابٍ للسمو والفخامـــه
ياتاج راسي يوم تشـــــيب الغلامين = انتم فزعنــا بالــــــطرد والقوامه
يادم قلــبي ياعروق الشرايــيــــــــن = الدم صعب من العروق أنقسامه
تاريخكم معروف من أول لها الحـين = صقور الجزيره مخلطكم رخامه
ابطال من ابطال رجالاً شجيــعــــين = حكام من حكام فيكم علامـــــه
الشيخ ابن هذا ل والنعـم نعــمــين= شيخ الشيوخ اللــي يقود الجهامه
منكم عقاب الخيل سطام المعاديــــن = كم شيخ قوما ً يلجمه في لجامه
واخوان نوره اكبر دليل البراهــــين = حكام نجد من الشمال لتهـــامه
واخوان مريم بالكويت الـــمياميـــن =وابن خليفه حاكماً بالمنامـــــه
وببو ظبي زا يد حكمها على الديــن =اعيال وايل ماخذيـــن الزعامه
انتم بني عم ٍ واقـــــــرب قريــبــين = عناز تجمعـــعنا بعــز وشهامه
الفرع يرجع للأصل لو بعـــد حيـــن = غصبٍ على أهل الحسد واللئامه
حنا يدا ً وحده ولانصبح اثـــنـــــين = نضرب على روس العدا كل هامه
هذا كلامي وانتم راس العناويــــــن = والمجد يامطلق رقـــــيتوا سنامه
واخر كلامي عد فوح الرياحـــــين =تحية ٍ من مخلص ٍ مع سـلامــــه

**خالد الطابوقي** · 18/01/06, (04:21 AM)

السلام عليكم

حـجز أول

لى عــــــــــــــــــــــــــــــــــــــودة

**متعب المضعان** · 18/01/06, (11:47 AM)

الشاعر

محمد الرويلي

صح صح

السانك

ولاهنت يالبناخي

على هالقصيدة الطيبة اللي تنم عن روح

التكاتف والاخاء

وعسى لايفرقنا ويجمع قلوبنا جميع

اخوك

متعب المضعان

**عبدالله ثويني المانع** · 18/01/06, (08:32 PM)

الأخ العزيز / محمد بن هايش الرويلي

صــح لســانك يا القــرم , أبيات عذبه كعذوبة ونقاء شاعرها وبياض قلبه

يالله يامد مـر طغـاة الفراعيـن ياناصر الأسـلام ليـوم القيامـه
تكفينا شر ابليس وانس الشياطيـن أهل الوشايـه والحسـد والنمامـه
طالبك تهدينا لشريعة هـل الديـن نسلك طريقـاً معتـدل باستقامـه
داعيك تجمـع شملنـا يالله تعيـن على طريـق الحـق بليـا ندامـه
يابن فهد عذرك على الراس والعين ياشاعراً ماجا خطـا فـي كلامـه
يالنومسي مافيك شـك ٍ وتخميـن ياحاملاً تاج الفخـر مـع وسامـه

دمتم متحابين رغم أنف الوشاة والمغرضين

لك خالص الود وأرق التحايا , دمت بخير

**خالد الطابوقي** · 18/01/06, (11:47 PM)

الشاعر :محمد هايش الرويلي

صح لسانك ودام بوحك ولاهنت على القصيده الرائعه

مشاعر صادقة

والشاعر : أبو فهد صاحب أخلاق عالية وقلب طيب ويستاهل كل خير

تحيات مفعمه بكل الإعجاب

أخوك

خالد الطابوقي

**محمد هايش الرويلي** · 20/01/06, (02:20 AM)

الاخ العزيز\\خالد الطابوقي شكراً لمرورك على متصفحي يالغالي

الشاعر / محمد هايش الرويلي

**عبدالكريم العنزي** · 20/01/06, (02:24 AM)