ذي تجارب دنيتي سقتها لك بالقصيد=فضفضة شاعر بدنيا تزايد جهدها

[عبدالرحمن الجابري الحربي]

السلام عليكم ورحمة الله وبركاااته

هذي القصيدة أحد ثمرات سجن الشعراء ...

أتمنى أن تحوز على رضاااكم واستحسااانكم ...

...............................................

يا حمد ما دامك أجبرتني أجلس وحيد=بين جدران السجن والهبوب وبردها
ودي أراجع حسابات نفسي من جديد=وأعرف اللي هو لها واعرف اللي ضدها
لأجل أعيش اللي بقالي بهالدنيا سعيد=وارتقي يَمَّ الثريا وأباري حدها
يا حمد هذا الزمن واقف بوجهي عنيد =دنيتي ما ينعرف مزحها من جدها
اكتشفت إني بها مثل ما قالوا وحيد=الهموم اجتاحت القلب محدٍ صدها
واكتشفت إنْ طيبتي دون شدة ما تفيد=دام فيه قلوب مثل الجمال بحقدها
واكتشفت إنّ الوفا بالزمن هذا فقيد=كل ما أوفي صاحبي بالخيانة ردها
واكتشفت إنّ الوجع من ورى أحبابي يزيد=كل طعنة ياحبيب أو قريب يمدها
واكتشفت إنّ العفو ما يفيد بدون قيد=نعفي وبعض الخلايق تناقض عهدها
واكتشفت إنّ الهوى لعبة أحرار وعبيد=أبني صروح المحبة وخلّي هدها
اكتشفت ياما ياما وياما يالعضيد=الحقايق شيبت طفلةٍ في مهدها
بس تدري ياحمد هاك مني ما يفيد=النصيحة قلتها وأنت كيفك بعدها
لا تجامل البشر واضرب بيدٍّ حديد=كان تبغى راحتك فالصراحة بدها
رافق أهل الطيب والجود والراي السديد=حط يدّك يالبيب العقل في يدها
ولا تخاوي كاذب وحاسد وملعون سيد=رفقة أهل اللاش ياخوي لا بو جدها
ومن سعى لفراق عينك ترى فرقاه عيد=والضلوع العوج حذرى تبيّح سدها
ذي تجارب دنيتي سقتها لك بالقصيد=فضفضة شاعر بدنيا تزايد جهدها

تحياتي / شاعر عظيم المشاعر

[هندي المقبل]

الله الله .. واخيرا صار للسجن فوائد ..

عبدالرحمن الحربي فعلا انا اتشرف وافخر باني اول من حجز رد على هذه القصيده المميزه بكل شيء ..

كل بيت احلى من الثاني .. تسلسل رائع ومعنى جميل كلها صاغها شاعر دائما هو اجمل ..

يحق لنا ان نفخر بك ياعبدالرحمن واررفع عقالي لهذه الشامخه

صح لسانك

[صالح الأسود الجعفري]

عبدالرحمن الحربي

صح السانك نص رااائع
دمت بخير

[محمد دعسان]

اخي القدير/ عبد الرحمن الجابري
حبكه معلم شعر

بارك الله فيك

جميل في كل حلاتك

سلم راسك يابعد راسي
ربي يحفظك

[بنت الكحيلا]

صح لسانك اخوي عبدالرحمن الجابري

كتبت وابدعت وامتعت

تسلم على هذا النص الرائع

لك كل الشكر

[سراب نجد]

عبدالحمن الجابري الحربي

صح السانك وأعتلى شانك

قصيده رائعه من روائع عبدالرحمن المبدع

والشاعر الجزل وحابك الشعر بالمعنى

وأقول لحمد بيض الله وجهك على سجن عبدالحمن الجابري

والذي صار من نتائج هذ السجن هذه الرائعه والممزوجه في ما الذهب والماس الصافي

لك مني ياعبدالحمن أفضل التحايا والتقدير

أخوك الصغير/ سراب نجد

[بنت راشد]

عبدالحمن الجابري الحربي

صح السانك وأعتلى شانك

قصيده رائعه الله يعطيك الف عافية
وبارك الله فيك