معاناة محتار .. مصآفحه أولى

[سعود الخلف]

السلام عليكم ورحمة الله وبركاته






أحبتي الكرام لاأجيد المقدمات المطوّله
فقط هيّ مصافحه أولى
أتمـنى أن تنال أستحسانكم

..

لاياقلـم سطّر معانـاة محتـار
...................... سجّل أنا ببدي عليك السريره

وضعي مابين أثنيـن لابد أختار
...................... أمرين شبّو بالضمايـر سعيره

لاياقلم تعبت من كثر الأفكار
...................... وأصبحت أعاني بحيرتي كل حيره

فكرت وين أروح ومنين الأشوار
...................... وضاقت بوجهي وين وجهي أديره

حتى الشموخ أنباع بأدنى الأسعار
...................... وش هالحيـاه التافهه هالحقيره

أقرب قريب يشب في جوفك النار
...................... ولاأكفاه عذره زوّد أعذار غيره

ومشيت ماأميّز يميـني من يسار
...................... مدري أنا في بـر ولا بديره

وقمت أتمنى لو يجي قصف الأعمار
...................... حتى أستريح من الحيـاه المريره

روّحت أردد مابدالي من أشعار
...................... والدمع في عيني يحـرق نظيره

صحيح لبس الجار ماينفع الجار
...................... وش ينفعه لو يكتسي في حريره

وصلت بيتي أقنع النفس بأعذار
...................... وأقول يانفسي ترى الأمر خيره

والليل ياتي عقبه الضيّ بنهـار
...................... وأشوف مايجـري بعينٍ بصيره

والطير لاعـلاّ تمادى بمطيّار
...................... يعود ينزل في بدايـة مطيره

ياقلب رّيح لاتحسـب لما صار
...................... أسمع مثل غيرك / أغاني سميره

وأعرف صديقك فالزمن نوب غدار
...................... لو راحتـه بيع البشر في شعيره

لآ ياقلم أكتب ترى الوقت دوّار
...................... وأختـم ترى الأحداث بكره خطيره

[غموض الشمال]

مصافحه اكثر من رائعه

نص وحضور مميز امتزج بالجزاله ولابداع

صح لسانك وسلم بنانك

تقديري لك

[بنت الكحيلا]

صح لسانك اخوي سعود المخلف

والله يعطيك العافية على القصيدة الرائعه

ابدعت بهذا البوح الجميل والراقي

لك كل الشكر

[حمد الضوّي]

أقرب قريب يشب في جوفك النار
...................... ولاأكفاه عذره زوّد أعذار غيره

ومشيت ماأميّز يميـني من يسار
...................... مدري أنا في بـر ولا بديره

وقمت أتمنى لو يجي قصف الأعمار
...................... حتى أستريح من الحيـاه المريره

سعود الخلف

صح لسانك وإعتلى شانك
مصافحه جميله وقصيده رائعه بروعة شاعرها
أمتزج فيها الأبداع والجزاله
حضور مميز ياخلف
دمت ودام التميز

تحايا

[بندر السديري]

سعود الخلف
مصافحه ولا ارووع
صح لساانك ياالشاعر
ابدعت بما طرحت
تحيااتي

[سراب نجد]

سعود الخلف
------

صح السانك

قصيدة معاناه تحدث عن أشيا

يعاني منها كثير من المجتمع


صح السانك عليها أبدعت وأحسنت

تحياتي للجميع تقبل مروري

[سالم صالح]

سعود الخلف ,,,

صح السانك ومصافحة راقية من شاعر مميز

فاهلاً بك بيننا ونتشرف بامثالك


تقديري واحترامي