تغيب عن عيني وتبغاني أنساك !!! - °~*¤®§(§ شبـــكة ويــلان العـربـيـه §)§®¤*~ˆ°

**خويلد الذيابي** · 20/08/11, (02:58 AM)

شبكة ويلان الموقرة
السلام عليكم ورحمة الله وبركاتة
اما بعد فأنني أحببت أن أشاركم بهذه المشاركة واعتذر عن الانقطاعة
القصيدة : وقفة!!
هذة القصيدة ليست مجرد هجران أكثر من كونها

حرمااااااااااااااااااان

تغيب عن عيني وتبغاني أنساك
تحسب جروح القلب لاغبت تشفا

والله مدري وش حياتي ....بلياك
اصحى على ذكراك وارد وأغفا

بس أنت قلي وش هي اعذار جفواك
وضح ضروفك قبل لاموت.... تكفا

ماكان ذا طبعك ولاهي مزاياك
من علمك تقسا علية.... وتجفا

وأنا ما أنام الليل من نار فرقاك
وانت على صوت الاهازيج... تغفا

والبرد يذبحني وانا في زواياك
وأقول... هذي كلها أيام .. تصفا

وانت ولو زادت من البرد شكواك
أشعلت لك بضلوع صدري لتدفا

ايوالله ابنساك لاغبت ...واسلاك
اذا سليت ..أخوية.. اللي توفا

خويلد الذيابي
ملاحظة: اعتذر عن ملامسة مشاعر بعض القراء بدون قصد !!

**سراب نجد** · 20/08/11, (03:17 AM)

خويلد الذيابي
--------

صح السانك

وأنشا الله ما تموت

من هذه المعاناه والله يطول عمرك

والله لا يحرمنا وياكم من رحمة الله

ياخي العزيز ياكثر اللي يبون يموتون من الحب

ولا شفت أحد مات ليش مدري

بارك اله فيك على الكلمات الجزله من جزل

والمفردات العذبه والسلوب المتميز

وشكراً لك وتقبل مروري

**غموض الشمال** · 22/08/11, (05:35 AM)

صح لسانك اخوي خويلد

وتسلم على هذا النص الرائع

تقديري لك

**بدرفهد الجعفري** · 22/08/11, (02:15 PM)

ياسلام عليك ياخويلد

وشكرا لانك لامست مشاعرنا بهذا الابداع الشعري الرائع

ما اروعك واجمل نصوصك

تحياتي لك

**بنت الكحيلا** · 22/08/11, (02:42 PM)

صح لسانك اخوي خويلد

والله يعطيك العافية على القصيدة الرائعه

وتسلم على البوح الراقي والجميل

لك كل الشكر

**يوسف الخمعلي** · 22/08/11, (06:05 PM)

خويلد الذيابي
صح لسانك
الله يعطيك العافيه
كل الشكر والامتنان
على روعهـ بوحـكـ
وروعهـ مانــثرت

**حمد الخمعلي** · 23/08/11, (03:00 AM)

الاخ خويلد الذيابي

هلابك اخي ونحن سعداء بإنظمامك معنا

وصح لسانك على هذه القصيده وسلمت على هذا الهطول الموفق

كُن بخير