حافظ وصاتك

[بندر السديري]

بسم الله الرحمن الرحيم
السلام عليكم ورحمة الله وبركاته

هذي ثلاث ابيات اخترتها من قصيده لجدي الله يرحمه ويرحم اموات المسلمين اجمعين..

بافعالنـا نرسـم دروب ٍ للاجـيـال= ليـا نساهـا غيرنـا مـا نسيـنـا
أسوات سـادات ٍ تسجـل للاشبـال =فضايـل ٍ شمنـا لـهـا واهتديـنـا
بيض ٍ نسجلهـن جديـدات وسمـال =حفـايـظ ٍ لاحفـادنـا اللاحقيـنـا

.........

الطيب يبقى للرجاجيل مدهال=صعب(ن) ياكود الا على الغانمينا

اشنابنا رفت على العز وجبال=ماتنثني هاماتنا ولا إشتكينا

تربا على ايدينا المراجل وتختال=وناطا على خد الردا لا وطينا
نتعب على الطالات في دق وجلال=وندسم اشناب الخوي واليمينا
ومن ضامته سود الليالي والاهوال=يبشر بعزه لانصانا حزينا
له في مداهيل المعاليق منزال=وانا عليه اشفق من ام الجنينا
مانكنز الاموال من خلف الاقفال=إنحدث بنعمت إلهي علينا
حييت ياقاف(ن) لبوزيد تنثال=منه المراجل من قديم السنينا
هيضني الطاروق وجريت موال=ارثعت يامعدي المراقيب فينا
بندر حفيدك للثقيلات شيّال=حافظ وصاتك فاالمعاليق دينا
لو زال زولك ياالسديري فلا زال=صيتك وفي حبل الوصاه إلتوينا

وسلامتكم

[محمد بن موسى]

الرائع دوماً / بندر السديري


رحم الله جدك رحمة واسعه

فهو مدرسه شعريه من مدراس الشعر والادب

ومن عقب مامات يالغالي


هذا الشبل من ذاك الاسد


صح السااانك ملايين يابندر

وبيض الله وجهك على هالنص الشامخ بشموخ كاتبه


اما بخصوص مقدمة الابيات وفحواها

فنحن لن نسمح لك بالمغادرة

ومازلنا بحاجة لمعانقة حروفك وجزيل ابداعك

ولن نستغني عن وجودك

فأن كان الغياب بسبب عمل وارتباط فلك ذلك

وثق بانه لن يغيب اسم بندر السديري عن اذهاننا وسنبقى بانتظار مايجود به قلمه بين الحين والآخر

ولنا عليك حق العودة في وقت فراغك

وان كان لسبب آخر فنحن لن نسمح لك بالمغادرة

وثق بانك بين اخوانك وببيتك الثاني


تقبل مروري واحترامي

كن بخير

[بنت الكحيلا]

والنعم فيك وفي جدك اخوي بندر السديري

والله يعطيك العافية على القصيدة الرائعه

وهي غير مستغربه من شاعر مبدع بحجم بندر السديري

اما قولك بانها الأخير فهذا لا نقبله منك اخي

ولا نسمح لك بالمغادرة ابداً


لك كل الشكر

[محمد دعسان]

اخوي بندر يهلابك يالملكي ونت غالي علينا يصعب افراقك
وضم صوتي الى صوت محمد بن موسى وختنا بنت الكحيلا
دمت بحفظ الرحمن

[جايز المفوز]

المشاركة الأصلية كتبت بواسطة بندر السديري

بسم الله الرحمن الرحيم
السلام عليكم ورحمة الله وبركاته

هذي ثلاث ابيات اخترتها من قصيده لجدي الله يرحمه ويرحم اموات المسلمين اجمعين..

بافعالنـا نرسـم دروب ٍ للاجـيـال= ليـا نساهـا غيرنـا مـا نسيـنـا
أسوات سـادات ٍ تسجـل للاشبـال =فضايـل ٍ شمنـا لـهـا واهتديـنـا

بيض ٍ نسجلهـن جديـدات وسمـال =حفـايـظ ٍ لاحفـادنـا اللاحقيـنـا

.........

الطيب يبقى للرجاجيل مدهال=صعب(ن) ياكود الا على الغانمينا
اشنابنا رفت على العز وجبال=ماتنثني هاماتنا ولا إشتكينا
تربا على ايدينا المراجل وتختال=وناطا على خد الرا لا وطينا
نتعب على الطالات في دق وجلال=وندسم اشناب الخوي واليمينا
ومن ضامته سود الليالي والاهوال=يبشر بعزه لانصانا حزينا
له في مداهيل المعاليق منزال=وانا عليه اشفق من ام الجنينا
مانكنز الاموال من خلف الاقفال=إنحدث بنعمت إلهي علينا
حييت ياقاف(ن) لبوزيد تنثال=منه المراجل من قديم السنينا
هيضني الطاروق وجريت موال=ارثعت يامعدي المراقيب فينا
بندر حفيدك للثقيلات شيّال=حافظ وصاتك فاالمعاليق دينا
لو زال زولك ياالسديري فلا زال=صيتك وفي حبل الوصاه إلتوينا

وسلامتكم

رحم الله جدك بيوت رايعه \بندر لا لا لا نسمح لك والله اني من المتابعين جدا لك يابندر \محبكم ابااريج جايزالمفوز

[غموض الشمال]

رحم الله جدك وغفرله..

وصح لسانك مدد بلا عدد

نص جزل ومجاراه رائعه..ابداع في ابداع

اهنيك اخوي بندر على هذا النص المميز

ولاهو غريب على حفيد محمد السديري رحمه الله

تقديري لك

[مشهور الرشدان]

الشاعر القدير / بندر السديري (الملكي )
صح لسانك وعتلا شانك على هذه القصيده الرائعه
والله يرحم جدك الامير محمد بن احمد السديري
علم من اعلام الشعر يكتب على كل المدارس
وبالنسبه للغياب اضم صوتي الى صوت اخي محمد بن موسى
اذا كانت ضروف عمل فنحن ننتظرك ولانسمح لك ان تقطعنا
فانت احد اركان هذا الصرح واتمنى ان تنمحي من هذا الوجود
كلمه غيااب الملكي تحياااتي اخوك ابوحفص