هويـّة .. ( بــــدون ) ..!! - °~*¤®§(§ شبـــكة ويــلان العـربـيـه §)§®¤*~ˆ°

**مشاري بن فالح** · 28/01/11, (10:23 PM)

ليت الجواز اللي صدر لي من العام=مسموح له ينزل بلندن وباريس
والله لترك واجباتي مع الزّام=وارسم طريقي من خطوط التضاريس
قالوا (بدون) ودربك اشواك والغام=بالخارطه مرسوم دارك مع ابليس
قلت ادري ان الحظ لاطاح ماقام=خلاّ مناعير الجزيره مفاليس
وجدي على حلمٍ طويناه بالام=وجدي على ليلٍ قضى بالوساويس
بالأمس كنّا بالمعارك له حزام=صفوة قروم ولا بنا خايب وهيس
ياكم روسٍ لجلها عافت اجسام=تسعين بالميّه (بدون القراطيس)
حنا بدون اوراق رفّعنا الاعلام=وحنا حمينا الدار من كلّ تدنيس
حنا بني وايل على الشر ضرغام=قبل الهويّه كاسبين النواميس
عقب النصر ياحيف رحنا بالاقدام=صرنا قضيّة رف خلف الكواليس
لكن جزا الاحسان تسفيرٍ الزام=وبعضٍ بقى في ديرته خالي الكيس
اوهام ياللي توعدونا بالاوهام=فاق الضمير اللي غرق بالكوابيس
مع السلامه يالعروبه والاكرام=يمكن ألاقي بالغرب بندْ تجنيس
لطلب لجوءٍ بين ويلز وتتنهام=علّه يطيب الحظ من عقب تنحيس
غربه حياتي وانا في دار الاسلام=يالله عفوك لالفى حادي العيس

لـ مشاري بن فالح البدري العنزي ( هاجس الحرمان)

28/1/2011

**محمد بن موسى** · 28/01/11, (10:29 PM)

مشاري بن فالح

الشعر له نكهه خاصه عندما يقال من معاناه
ومن هاجس عاش كل لحظات المعاناه وكل تفاصيلها

نعم يافالح عشنا معك هذا الهاجس وتذوقنا مرارة الظلم بعد العزه

لله درك يابو فالح على هذا النص الشامخ الذي لا يجيده الا كبار الشعار امثالك

وصح السانك مدد بلا عدد

تقبل فائق الود والمحبه

**بنت راشد** · 28/01/11, (10:43 PM)

مشاري بن فالح
صح لساىنك مدد بلا عدد وبارك الله فيك

**جلال الدرعان** · 28/01/11, (11:53 PM)

يالله على الابداع والجمال والتميز,,, اخى الغالي كلماتك لااجد وصفا لها
سوى الذهول والانبهار,, اسلوبك رااائع وكلماتك ووصفك اروع
احسست انى احيا بالقصيدة لقدرتك الغريبة على وصف كل شىء مهما كان صغيرا
اخى المبدع لا اجد مااقول سوى سلمت اناملك على هذه الدرر وسلم لنا قلمك المتالق
اخى تحتار منى الالفاظ والمعانى فلا اجد سبيلا سوى التصفيق واعلان الاحترام لقلمك الماسي
وارجوك لاتحرمنى جديدك الراااائع

**عبدالله المعيوف الدهمشي** · 29/01/11, (12:25 AM)

مشاري صح لسانك

شاعر جزل

**حمد الخمعلي** · 29/01/11, (12:44 AM)

الاخ القدير الشااعر المميز/مشاري بن فاالح0

قصيده نبعة من قلب ومن جرح عميق ومن شااعريه اصيله0

صح قلبك وسلم نبضك

كُن بخير

**سلامة الجعفري** · 29/01/11, (08:55 PM)

الله يعين يامشاري

صح لسانك ملاييين

وخير الشعر مايصدر عن معاناه

تقبل مروري