يآ زهـرة آلنرجس × - °~*¤®§(§ شبـــكة ويــلان العـربـيـه §)§®¤*~ˆ°

**سعد النفج** · 25/08/10, (05:27 AM)

كيبوردية بعد الغياب .. و اعتذر للشاعر عناد الغريب اللي كان يتأمل انه يقرأ نص يليق بذائقته و ليست هذه المتواضعه ..

يازهرة النرجس و يا قرة العين = بعد الغياب بحالتك صارحيني
صحيح انا مخطي و غيّبت عامين = و اليوم جيت اسأل على شوق عيني
تكفين قولي لي عن العلم تكفين = و ان ما اقتنعتي بالغياب اسأليني
قولي رحلت شلون؟ من وين و لوين ؟= و قولي علامك قبل ترحل حزيني
إيه انسكب دمعي .. و خابرك تبكين= كنت احتضن دمع الغلا في يديني
رحت و تركتك في بحور المحبين = ما بين حلم و علم عشتي حنيني
و عاهدتك ارجع لك و لو هو بعد حين = و افرح بك و يمناك تمسك يميني
و جيتك من اللهفه ضحى يوم الاثنين = مشتاق لك يا زهرة الياسميني
لك وحشه و لك شي فوق الدواوين = يكفي خيالك كل لحظه يجيني
من رحت عنك و ساحة الحزن تدرين = ما توسع لكثر البكا و الونيني
حاولت صبر ايوب .. ما عاد به شين = و عفت الفراق اللي كوا راحتيني
عامين يكويني و انا اقول بعدين = بعدين عين الزين تنظر بعيني
و انسى اغترابي بين لندن و برلين = و انسى الزمان اللي يشين و يزيني