@@ كـــورة الـــواشـي @@

[سلطان العنزي]

كم اتمنى انت تنول هذه القصيده اعجابكم
وتحوز على رضاكم
اتركم مع
كــــورة الــواشـي

انا بعرف سبب صدك سبب هجرك سبب فرقاك=وانا بعرف تبي تزعل تكلم قول علمني
تدحرج كورة الواشي لجل يوصل على مرماك=قدر يوصل قدر يكسب لجل يربح ويهزمني
وانا اللي في بحر حبك سمك يمشي على مجراك=عشقت البحر وإعصاره لو انك حيل تظلمني
وانا لو قلت اعدمني وريحني ياعل افداك=انا بعرف لو اني قلت لعانه منت معدمني
انا قلقان ياخلي ابعرف وش حصل وش جاك=وش اللي غير اطباعك وحضنك صار يكتمني
وانا اللي كنت متخيل لو اتبعثر هنا وهناك=حنين الشوق يجمعني على قلبك يلملمني
تحلمتك كبير القوم وانا في مجلسك مركاك=وتمنيتك بطول الوقت مره بس تحلمني
تخيلتك ولو لحظه تمناني اجي يمناك=ولكن في كثير احيان كثير اوهام تهزمني
انا خايف يجي مره وتسأل في عجب من ذاك؟=واخاف اقول يالغالي سؤالك حيل حطمني
انا اللي ضاعت سنيني اقصقص بالثراء ماطاك=لجل كلمه ابنطقها بقول ارجوك كلمني
ابي اعرف سبب صدك سبب هجرك سبب فرقاك=عليك الله وامان الله تكلم قول فهمني

وسلامتكم

[مضحي عايد الشبر]

انا خايف يجي مره وتسأل في عجب مـن ذاك؟
.............................. واخاف اقول يالغالـي سؤالـك حيـل حطمنـي

الرائع / سلطان


صح لسااانك وعلااا شانك


قصيدة عذبه وراقية


تقبل كل الود

[ابو رزان]

بسم الله الرحمن الرحيم

الشاعر المبدع / سلــــــــــــــــــــــــــــطان العنزي

صح لسانك يالغالي

ابداع جميل يستحق ان يقراء اكثر من مرة
دمت مبدعا

اخوك : ابو رزان

[سلطان العنزي]

صح الله ابدانكم
اخوي مضحي
وابو رزان
والله لايحرمنا من طلتكم العذبه
تقبلو تحيات اخوكم
سلطان العنزي

[فهد الخدلي الفدعاني]

تخيلتـك ولـو لحظـه تمنانـي اجـي يمنـاك
........................ولكن في كثير احيـان كثيـر اوهـام تهزمنـي

الله الله
الشاعر سلطان

صح الله لسانك


ولاهنت ياذيب

[سلطان العنزي]

فهد الفدعاني
صح بدنك
ولاهنت على مرورك الجميل
اقبل تحياتي
اخوك
سلطان العنزي (حلٍ وترحال)

[مصلح النشمي]

وانا لو قلت اعدمني وريحنـي ياعـل افـداك
انا بعرف لو اني قلت لعانـه منـت معدمنـي


ياسلام عليك اخوي سلطان


روووعة عن جد


صح لسااانك مليوووون

لاتحرمنا من المزيد
\


لك حبي


تحياتي لك