وطنيه احب ان ترقى لذائقتكم - °~*¤®§(§ شبـــكة ويــلان العـربـيـه §)§®¤*~ˆ°

**فواز الشبيكان** · 01/03/10, (02:20 AM)

بما انها المشاركه الاولى لي بهذا الصرح اتمنى ان تكون وطنيه تعجب الجميع

يسعد صباح المملكه دين وكتاب=في ضل ابو متعب أمن كل خايف
اللي ملك كل المشاعر والألباب=انا اشهد إنه حب ماهو بزايف
ياخادم البيتين يا عز الأنساب =كلٍ يشوف إنك على الشعب رايف
ياممن البيتين من كل حراب= امن وامان الكل عاكف وطايف
ولي عهدك كاسبٍ كل الالقاب=راع الكفوف الطاهرات النظايف
سلطان راع المجد فكاك الانشاب=كريم سبلى زاهيٍ بالوصايف
للعز باب وفاتحٍ للكرم باب=الحاتمي اللي صعد للنوايف
وحنا ترى ياسيدي شايب وشاب=علة نحر لاهل الفتن والهدايف
وتبت يدين اهل الضلاله والارهاب=اللي غدوا هم والخوارج ولايف
يديرهم ضد الوطن روس الاجناب=مابين ذاك وذاك صارت حلايف
اللي يبون المملكه تشبه الغاب=مادريوا ان الامن بيدين نايف
ابن المليك اللي له العز مرقاب=راع الثقايل ماالتفت للخفايف
نايف غدا للامن واقف وطلاب=حامي حماها بالسيوف الرهايف
من دونها ياكثر ماقص الاشناب=جل البلاوي عند نايف نحايف
وحنا سعوديين ناخذ بالأسباب = للموت موت وباللطايف لطايف
نفدا وطنا لو على قطع الارقاب=ماهمنا كثر الحكي واللغايف
ناطى على الحيه وناطى على الداب =ولايلحق الشعب السعودي كلايف

وسلامتكم

**خلف الغريب** · 01/03/10, (09:22 AM)

صح لسانك ولا هنت على مشاعرك الوطنية الجميلة التي لا تستغرب منك فأنت من اهل الوفاء والولاء ..

حضور اول جميل يجعلنا نطمح للمزيد اخوي فواز ..

تحياتي لك..

**masha3el ** · 01/03/10, (10:05 AM)

الشاعر الرائع
‏فواز الشبيكان
صح لسانك مليار على النص الرائع بحق مشاعر وطنيه صادقه ‏
ولغه الوفاء نابعه من حب الوطن والإخلاص له
ما شاء الله عليك وحمستنا لقراءه ابداعاتك وبانتظار جديدك وأتمنى لك التوفيق
‏تحياتي ومودتي

**تركي علي الخالدي** · 01/03/10, (05:36 PM)

الوطن يستاهل منا اكثر واكثر يافواز

وانت قدمت في هذه القصيده مشاعر وطنيه جميله

صح لسانك وتقبل اعجابي

**سالم العنزي** · 01/03/10, (05:56 PM)

الشاعر فواز الشبيكان

صح لسانك مصافحه اولى جميله بجمال حضورك ونحن بإنتظار القادم الاجمل

شكرا لك

**بدرفهد الجعفري** · 01/03/10, (06:13 PM)

فواز الشبيكان

شكرا لك على هذه المصافحه الجميله

وبيض الله وجهك

صح لسانك

**البدر** · 01/03/10, (06:22 PM)

الشاعر فواز الشبيكان

صح لسانك ومصافحه اولى رائعه ومميزه

تقبل مروري