انا وخويي بيننا حلة الستنفار - °~*¤®§(§ شبـــكة ويــلان العـربـيـه §)§®¤*~ˆ°

**معيض بن عريفج** · 27/08/09, (05:42 AM)

الاخوه الكرام السلام عليكم ورحمة الله وبركاته

كل عام وانتم بخيرومبروك عليكم الشهر الكريم

حبيت اضع بين يديكم هالابيات التي تشرح لكم قصتنا انا وخويي

لعلها تحوز على استحسان ذائقتكم وترى بعضها ماعلمتكم به
اخافه يلقاها ونتماسك الشوش ههههههههههه

مشينا من الدمام والجو فيه غبار = على مور سيدس نوعها سوبر تريله

مشينا صلاة الظهر والجو عج وحار = محمل حديد وموتري باردن حيله

من حر اللهيب شوي والا يذوب القار = ولافيه بالموقف من الحر تقييله

ولابه مكيف والغماره سوات النار = وبنشر بنا التيدروبازت صواميله

وخويي تضايق من هدومه ودمه فار = وتغيرعليه مذهبه ويش اسويله

وخويي حياته كلها موتره فاكس ار = ولاتعود للطريق وبهاذيله

نــا وخـويـي بـيـنـنا حالت استنفار = ومن الزعل كلاً تلثم بمنديله

ان قلت له مسيت بالخير زعل وثار = وان جيت تصلح بيننا مالك الحيله

ماعد ينفع لاتفاهم ولا معذار = وبليس ملعون الجدف مسرج(ن)خيله

من شافنا دفع البلا قال ياستار = ذولا مهبل مير منهم مهابيله

وخوينا والضيف واللي بطرفنا جار = نشري رضاه ولاتجي
صوبهم ميله
نبي ندارجها الياتالي النهار = وان قفلت واحد من الاثنين ياويله

وسلااااااااااااااااااااااامتكم

**الصقار** · 02/09/09, (09:18 PM)

1.مشينا صلاة الظهر والجو عج وحار
2 ولابه مكيف والغماره سوات النار.. = وبنشر بنا التيدروبازت صواميله

3من حر اللهيب شوي والا يذوب القار
4,,وخويي تضايق من هدومه ودمه فار = وتغيرعليه مذهبه ويش اسويله
..اولا صح لسانك
وبعدين ياخوي هذا وقت ممشى .. والله من عذر خويك اخذه القايله
وعلى طريق الدمام ..
لاكن اكيد انه امسى عليكم اليل حول مزرعه الهاجري وانت تقول
..
نبي ندارجها الياتالي النهار = وان قفلت واحد من الاثنين ياويله

عطنا رده عليك وتالي السالفه
تحياتي وتقديري

**معيض بن عريفج** · 03/09/09, (09:33 AM)

اقتباس:

المشاركة الأصلية كتبت بواسطة ابن هندي

1.مشينا صلاة الظهر والجو عج وحار
2 ولابه مكيف والغماره سوات النار.. = وبنشر بنا التيدروبازت صواميله

3من حر اللهيب شوي والا يذوب القار
4,,وخويي تضايق من هدومه ودمه فار = وتغيرعليه مذهبه ويش اسويله
..اولا صح لسانك
وبعدين ياخوي هذا وقت ممشى .. والله من عذر خويك اخذه القايله
وعلى طريق الدمام ..
لاكن اكيد انه امسى عليكم اليل حول مزرعه الهاجري وانت تقول
..
نبي ندارجها الياتالي النهار = وان قفلت واحد من الاثنين ياويله

عطنا رده عليك وتالي السالفه
تحياتي وتقديري

هههههههههههههه الاخ ابن هندي

شاكر لك مرورك ولارد الرجال ومثل ماقلت حول الموقع ولكن يمكن ردك يحذفونه لان قبلك تمت ردود وحذفوها

الشباب لاسباب غير معروفه لدي وياليت يوضحون الاسباب ولك تحياتي

**الصقار** · 04/09/09, (12:09 AM)

حياك الله
وانت من الشعار الرائعين في هذا المنتدى

لاكن حبيت اوضح ان الحذف ناتج عن عطل شامل ولا يقتصر على منتدى الشعراء
فجميع الردود والمواضيع التي وضعت قبل العطل بيومين انحذفت
تحيااااتي لك

**معيض بن عريفج** · 04/09/09, (08:08 AM)

اقتباس:

المشاركة الأصلية كتبت بواسطة ابن هندي

حياك الله
وانت من الشعار الرائعين في هذا المنتدى

لاكن حبيت اوضح ان الحذف ناتج عن عطل شامل ولا يقتصر على منتدى الشعراء
فجميع الردود والمواضيع التي وضعت قبل العطل بيومين انحذفت
تحيااااتي لك

اهاااااااااااا بيض الله وجهك والله اني استغربت قلت يمكن اني مخالف قوانين المنتدى او خويي بالتريله دخل عليهم ومسح الردود عاد انا اخبره اقيشر وذليت انا منه الله يسلمه(ذل الرجال ) ايه ولكم تحياتي