(( ياحبيبي )) حط يدك فوق هالقلب وتسمـع - °~*¤®§(§ شبـــكة ويــلان العـربـيـه §)§®¤*~ˆ°

**فهد السلقاوي** · 09/06/09, (12:20 AM)

كنـت أقـول إن ضاقـت الدنـيـا تـوسـع
وأتسأل ليه ضاقت فـي عيونـي هالوسيعـة
لين شفت الخافق اللي حب مـن جـد وتولـع
يحرمه وقته ووقته صارت أحزانـه طبيعيـه
منحرف حظي وأعرفه طول عمـره ماتسنـع
من عرفت الشوق قاسي والهوى هذا صنيعـه
(( ياحبيبي )) حط يدك فوق هالقلب وتسمـع
بس لا تسـأل دخيلـك ليـه دقاتـه سريعـه
يوم شفتك والحكى عيا يجـي مـدري تمنـع
والسكوت اللي ملى الدنيـا مرافقنـي جميعـه
يوم شفتك داخل عروقي نما عشـق وتربـع
يوم شفتك والحياة القاسيـه صـارت بديعـه
كيف أعيش وبعدك أنفاسي بها موتـي تمتـع
كيف وأحلامي غدت دونك كوابيـس شنيعـه
والحزن أه أه يالحزن فيني به الخافـق تشبـع
ليه حملنـي تناهيـد وحمـلٍ مـا أستطيعـه
اااااه من قلبي وانا أشوفه مع الوقـت يتقطـع
يأمر عيوني تهـل الدمـع وعيونـي تطيعـه
لو بقول اني بموت أن غبت وربي ماتصنـع
دامه غيابـك لـه الأااام ولوعـات فضيعـه
انت في بالك يوم فراقك يوم عـادي مايلـوع
تراني حاسب غيابك يوم من عمـري فجيعـه
ماتعبت؟؟ إلا تعبت وظلي ودروبـي تطـوع
والزمن يحفـر مسافاتـي غرابيـل وخديعـه
والذنوب اللي معي نبض من اللوعـه تجـزع
والخطى عشقي ولكن مالقى له مـن ذريعـه
والعذاب اللي من أهوالـه صـدري تصـدع
مانزع روحي من ضلوعي ولا خذها وديعـه
مستحي من حبك اللي ضمه الصـدر وتنـوع
مدري شايف ان الهوي فيني له سدودً منيعـه
((ياحبيبي)) حط يدك فوق هالقلب وتسمع..
وانت عشقك غير .. كل العشق لو ربعه توزع
كل واحد ماعشق قلبك يبقـى لـه صريعـه
عاد تدري لو هوي كل الخلايق لـك تجمـع
مايجي ذره من إحساسي مـدام انـك شفيعـه
ويازماني دامني ماقوى على عنـادك تشجـع
وارسم جروحي وانا بشكي على رب الشريعه
يالله اني طالبك من قلـبٍ صافـي ويتضـرع
لا يجي بينه وبينـي بعـد وفـراق وقطيعـه
يالله اني طالبك وإن ضاقـت الدنيـا توسـع
لين تفرج والحياة تصيـر بوجـوده وسيعـه