المستحيل - °~*¤®§(§ شبـــكة ويــلان العـربـيـه §)§®¤*~ˆ°

**عايدالعنزي** · 21/01/10, (04:39 AM)

اطالـع الصـوره واكلمهـا ولاكـن هاجـده=ياصورة ٍ بروازها ذاك الخيـال اللـي اختفـا
الله وكبرهالصـور فيهـن اهمـوم ٍ واجـده=ياشين ذكراهن حزينه نـور لحظـه ونطفـا
وش لي بقى من هالعذاب حتى انتظر واشاهده=انا دخيلك يازمـان اللـي جـرى فينـي كـفا
غلطت عمرحبيت انا من شان انسانه حاقـده=عطيتها حب ٍ وفي وقلبي عطـى ود وصفا
مشيت ادروب ٍ في خطر لعيونها وهي قاعـده=مسكين مثلي منجرح عاش البروده والدفـا
تسببت لي باالسهر وغيـري عيونـه راقـده=كنت افتكر من حبها تجعل حياتي فـي شفـا
لكن خساره يازمـان صـارت لحبـي فاقـده=يـا للأسـف بعد المـوده اخدعتنـي بالجفـا
يابنت انا راع العهـد اقسـم قسـم لاعاهـده=ومن باعني كذبة زمن اشري حياته باالخفـا
ومنهو يصارحني صدق ويبغى البعد أباعـده=اتحمل الفرقا وأقـول الله يحـب اللـي عفـا
ومنهو طعني باالحشى نزف الجروح اتعانـده=من ينجرح مثلي ترا يمشي على شوك الحفا
حبي انهدم ماينبنـي ماتفيـده اي امساعـده=المستحيل انه يعود لوكل مخلوقـاً وفـا
اناظرالـصـوره وآحاكيهاولـكـن خـامـده=ياصـورة ٍ سميتهـا واقـع تحطـم وختفـا

**مشاري بن فالح** · 21/01/10, (09:44 AM)

الله الله عليك يامبدع
صح لســـانـــكـ يالجزل

ابيات مؤثره جدا صراحه << ولــع له زقاره وتذكر .......

قمة الابدااااع يا عايد والله انا اتشرف اني اول من يرد على هذي الشامخه يابعد راسي
احساس راقي ...
اهنيك على الوجدانيه التي لامست وجداني ..
ودام نبض قلبك وقلمك يالبناخي
شكرا لك مليااااار

:
:

اخوك / مشاري بن فالح العنزي

( راعي اكحلا )

:

:

**صالح الجطيلي** · 21/01/10, (02:25 PM)

وش لي بقى من هالعذاب حتى انتظر واشاهده
انا دخيلك يازمان اللـي جـرى فينـي كفـا

وش لي بقى

بيت كتب بطريقه احترافيه وتكفيني الحبكه الشعريه في الصدر

كتبت بطريقه مميزه

تسببت لي باالسهر وغيـري عيونـه راقـده
كنت افتكر من حبها تجعل حياتي فـي شفـا

لو سلمت من حرف الواو في (( و)) غيري عيونه راقده لكان افضل

او قلت// تسببت لي با السهر وعيون غيري راقده

لكن خساره يازمان صـارت لحبـي فاقـده

وهناك ربما تكون اخطاء املائيه لا اكثر كقولك يازمان وهي يازمن وهناك حرف الواو في اغلب الابيات

القصيده رائعه وتقبل تطفلي اخي

صح لسانك حتى ترضى

واسأل الله لك التوفيق