(مرثيه بالشيخ صالح العنزي)

[الحميدي بن طالب العنزي]

هذه القصيدة كتبتها مرثية بصالح بن دخيل ابن مغرا العنزي الذي توفي مغدورا رحمه الله

الظلم ظلمه والحياة اسرار والخافي يبين=وان ماطلع بالاوله يطلع بيوم الاخره
علمٍ وصلني مار قمت اقلبه شك ويقين=وكذّبت مضمون الخبر في مرجله ومكابره
لين اتضح لي ماحصل وآمن ضمن المؤمنين=وكتب بخطاط الحزن حبر الدموع العابره
تم اغتيال الشيخ صالح واصبروا ياصابرين =دام الاجر ماتاخذه غير النفوس الصابره
العين تدمع والشعور يحرك القلب الحزين=الله يعين اللي دموعه بينت في ناظره
رجلٍ كريم لياعطى مايحسب حساب الثمين=انا اشهدن ان الرجال اللي بحجمه نادره
اعد واغلط لكن انه مشتهر في حاجتين =هذا الكرم والمرجله طبعه وربي خابره
والله ليبقى ذكره الراسخ على مر السنين=وتبقى فعوله بينه لو كان في مقابره
صالح لحاله بالمراجل واسمعوا ياسامعين=تبقى مراكز غيبته بين الاوادم شاغره
الله يرحم شيخنا والله يذل الضالمين=والله يعينك يالعيون اللي بحزنه ساهره
حتى قضية غدرته يندى لواقعها الجبين=شلّت يديكم كلكم ياهل اليدين الماكره
الله يورينا بكم يالضالمين المفسدين=تباً لكم ياهل الوجيه المضلمه والغابره
الثلة اللي وضعهم مزري بلا دنيا ودين =تبقى بعون الله كذا من حادره في حادره
ثلة شياطين تربوا للغدر بالامنين =والا لياحظر المواقف كلبوها صاغره
والموت سنه كلنا عن البسيطة راحلين=وطوبى لكم يااهل النفوس الطيبه والطاهره

[هندي المقبل]

رحم الله صالح دخيل واسكنه فسيح الجنان


الشاعرالحميدي طالب . ياهلا بك وسعيدين بهذه العوده وان شاء الله تكون مستمرا لمناسبات افضل

صح لسانك وجزاك الله خيرا

[حمد الضوّي]

الشاعر / الحميدي بن طالب العنزي

الف صح لسانك على هذه المرثيه المؤثره
ويعلم الله أنه لمصاب ٍ لنا جميعا ً ولكن قدرة الله لاترد ونحن مؤمنون بذلك
والله يرحم الفقيد ويسكنه فسيح جناته ويجعله في الدرجات العليا من الجنه ويسكنه مع الحور العين
ويلهم أهله وذويه الصبر والسلوان ونقول لهم أحسن الله عزاكم وعظم الله أجركم

و من غدر به اللهم شل يديه وأرنا به عجائب قدرتك وإجعله في الدرك الأسفل من جهنم
ياحي ياقيوم ياذا الجلال والإكرام إنك أنت السميع المجيب

وإنا لله وإنا إليه راجعون

وأعيد وأقول بيض الله وجهك حتى ترضى






دمت بخير وعافيه

[بنت الكحيلا]

حياك الله اخوي الحميدي بن طالب

والله يرحمه ويجعله من اهل الجنة

ويصبر اهله على مصابهم الكبير

والله يعطيك العافية على القصيدة المؤثرة

لك كل الشكر

[سالم العنزي]

رحم الله صالح دخيل واسكنه فسيح الجنان

وبيض الله وجهك على هذه المرثيه التي اتت من قلب صادق ووفي

صح لسانك

[حمد الخمعلي]

رحم الله صالح العنزي رحمةٍ واسعه واسكنه فسيح جناته

صح لسانك يالحميدي وعادتك الجزاله لله درك


كُن بخير

[محمد البويليد العنزي]

الشاعر / الحميدي بن طالب العنزي

الف صح لسانك على هذه المرثيه المؤثره
ويعلم الله أنه لمصاب ٍ لنا جميعا ً ولكن قدرة الله لاترد ونحن مؤمنون بذلك
والله يرحم الفقيد ويسكنه فسيح جناته ويجعله في الدرجات العليا من الجنه ويسكنه مع الحور العين
ويلهم أهله وذويه الصبر والسلوان ونقول لهم أحسن الله عزاكم وعظم الله أجركم

و من غدر به اللهم شل يديه وأرنا به عجائب قدرتك وإجعله في الدرك الأسفل من جهنم
ياحي ياقيوم ياذا الجلال والإكرام إنك أنت السميع المجيب

وإنا لله وإنا إليه راجعون

وأعيد وأقول بيض الله وجهك حتى ترضى






دمت بخير وعافيه