شـاعــر حـضـوره غـيـر وغــيـابـه حـضـور // وأبـيــات شـعــــره كالــــورود الـنـدّيه - °~*¤®§(§ شبـــكة ويــلان العـربـيـه §)§®¤*~ˆ°

**محمد هايش الرويلي** · 06/08/05, (04:30 AM)

اهــدائي للـغـالي والـوافي

شاعــري المبـدع ابـونـااايـف مع الاشـواق

الحمد لله يوم أنا شفت منصور = رمز الوفا والطيب والمقـدرّيه
من طيب جده عآيش الطيب بشعور = حتى بمجدة تفخر الــوايليه
من عــزوةٍ لـو ينتخي كلها صقـور = الكل منهم مايخلي خــّويه
حرً سطع صيته كما طلعة النور = مثل شروق الشمس وقت ضحوّيه
شمسه حقيقه ماحتوى ليلها زور = ولاهـو من اللي يعشقـون الـردّيه
مكانته وسط الحشا كلها زهور = يسعـد قلوبً تحتفي في مجـيّـه
خفيف ظــل وطــيّب الساس مخبور = يكتب مفاهيم الغلا نرجــسّيـه
شاعر حضوره غير وغيابه حضور = وأبيات شعره كالــورود الـنـديه
شاعر ونزفه من محيطات وأبحور = مبداه واضح والقصايد قوّيه
ياما كتبته وأحتوى شعري قصور = تقصر بوصفه حروفنا الابجـديه
لكن عــزايه يوم أنا شفت منصور = رمـز الكرامه والـوفا والحـمـّيه

**محمد الدلماني** · 06/08/05, (04:40 AM)

لكن عزايه يوم أنا شفت منصـور
رمـز الكرامـه والوفـا والحمّيـه

،

صح لسانك

ويستاهل والله

لاهنت على هالابيات الجميله

**محمد هايش الرويلي** · 06/08/05, (06:16 AM)

مـرحـبا ياالحـر ياالسيف الشطـير
... مـرحــبا أعــداد ماهــل الـهـلال

الشاعـر

محمد الدلماني

تسلم ويسلم راسك على مشاعرك الصادقة

[poet font="Tahoma,4,darkblue,bold,normal" bkcolor="transparent" bkimage="http://nadawi.net/images/sky5.jpg" border="groove,10,purple" type=2 line=200% align=center use=ex length=0 char="" num="0,black" filter=""]
أبـوك نايف وأنت سميت نايف = يانايف بـرؤس الجـبـال الشـواهـيـق
مـرباك عـز وفيك كل الـوصايف = يافزعة المضيوم في حــزة الضيق
[/poet]

**تركي صالح** · 06/08/05, (12:19 PM)

صح لسانك

على الابيات

الرائعه

والاخ/ منصور يستاهل

ولك فائق تحياتي ومودتي

**صالح الضويحي** · 06/08/05, (01:16 PM)

الحمد لله يوم أنا شفـت منصـور
رمز الوفـا والطيـب والمقدرّيـه

يستاهل ابو نايف وكلنا فخر به وبمن على سجيته الشامخه

ومع ان الطيب من معدنه لايستغرب الاّ ان الثناء والاشادة بمن يستحقون
لاتصدر الاّ من الاوفياء امثالك اخي محمد هايش
وهؤلاء مصدر اعتزاز اين ماكانوا000

مكانته وسط الحشا كلهـا زهـور
يسعد قلـوبً تحتفـي فـي مجيّـه
خفيف ظل وطيّب الساس مخبـور
يكتـب مفاهيـم الغـلا نرجسّيـه
شاعر حضوره غير وغيابه حضور
وأبيات شعـره كالـورود النديـه

منصور الرويلي رجلٍ نبيل وشاعرٍ مبدع

لهذا لاغرابه ان يحتل مساحاتٍ شاسعه في صدورنا جميعٍ

دام الله هذا الشموخ والتواصل والمحبه000

قصيدة رائعه برجل يستاهل ومشاعر مشرّفه0

صح لسانك ملايين000

تقديري واحترامي

**حمود نايف الهذيل** · 06/08/05, (06:18 PM)

الاخ محمد هايش الرويلي

ما قصرت يا راع العليا

انت تفعل وابو نايف يستاهل

تحياتي وتقديري

**عبدالله الثابت** · 06/08/05, (08:30 PM)

اخوي محمد الرويلي

صح لسانك

والاخ منصور يستاهل

الحمد لله يوم أنا شفـت منصـور
رمز الوفـا والطيـب والمقدرّيـه

تقبل تحياتي