راكب اللي كن حس المكينه والبلوف=لاشتغل جلد برديه تقفاها سحاب
اربع وعشرين حجم المكينه ومعروف=والرفارف وصفهن قوس والخشم انسياب
والمراتب جلد ومكيفه حتى السقوف=به تحكم نورمخصوص في وقت الضباب
جيب ج اكس ار كل المزايا والوصوف=ونش سحب وبه تحكم وضدالانقلاب
الله اكبر لانطحته تقل طخمة هنوف =ميزته شبكه على النور يشبه للنقاب
والغريب ليانطحته تقل يهدف اهدوف=والعجيب ان كان قفى تقل دونه سراب
والغريب لياعترض وش تناضر وش تشوف=كن خطه سلت السيف من وسط النصاب
وان وقف توقيع صقر على راحت اكفوف=يتطلع للحباري قبل وقت الغياب
اوكما شيخ ابشته دخل وسط الصفوف=اوكما حاكم على الشعب يلقي له خطاب
ابيضن مثل القمر ون طلع عقب الخسوف=لونه الجذاب والله يزيد الانجذاب
لا تهزهزتقل يرقص على دق الدفوف=ون تحرك من محله تقل منسل داب
ون دعست البنص كنه عن الارض مخطوف=اوكما قال المثل فص ملح وثم ذاب
لاشريته دق سلفه ولوف الارض لوف=اشهد انه مثل خوت عزيزين الجناب
ماهو ازمالة وراعين وزمالة اضعوف=منوت اللي ياخذ اغطاه ويشيل الزهاب
اشكر اللي صممه لو تعب فيه مخلوف=اشهد انه فازفي صنعته والكيف طاب
ورده عبداللطيف وطلب فيه الالوف=ميه وخمس وثلاقين محسوبه احساب
08/07/06, (12:15 AM)
ج اكس ار
العرض العادي
