ارض الشماااااااااااااااااال - °~*¤®§(§ شبـــكة ويــلان العـربـيـه §)§®¤*~ˆ°

**سلمان الردسا** · 29/06/05, (12:15 AM)


	الاهداء الى الاخ العزيز والشاعر المبدع نواف هلال

جيب يشرف عاليات النوازي = يطلع من الديره وضجة بلدها
توه جديد اخر مديل وطرازي = يفزع لحالك عند ساعة لددها
وعلى يمينك قرم قناص غازي = شيخ الرجال افعال كل حمدها
ومعاك طير حر ماهو ببازي = من الحرار اللي انتمنى هددها
من السبت انا ياخوك ماني بلازي = ولاجا الربوع النفس ترقب سعدها
عن شوفة البدوان ماني بعازي = وشوف الرباع اللي تنهض عمدها
بالزايد ليا رحت غربي البرازي = نفسي سرايرها تطلق وحدها
با اول هريف الوسم نادى جهازي = كل يقول السيل قاعي جردها
المزنه الغرا مطرها ارتوازي = والفيضه من السيل طافح زبدها
برق يشق القاع له ارتكازي = مع قشطها اوحي جلجله من رعدها
يرفح لها القلب الخضر باهتزازي = تكسي خضار القاع باابيض بردها
ولمع الندى بالعشب لمع القزازي = وحال الرغث ماتفرقه عن جلدها
والفقع بين العشب مصلع ونازي = والخلفه اتدرج وراها ولدها
هذا هوى قلبي وهذا مجازي = يجوز لي والنفس تلحق رغدها
ماني مختم زي غيري جوازي = واسافر لديره ادور فسدها
لابارك الله خاسرات المغازي = اللي تخم البهدله واتحصدها
ارفع دنا نفسي وما الله موازي =اطيح بالسيه واعظم جسدها
قلبي يبي من الصيد عفر وجوازي = وعد هماج اشلون بالله اردها
اتعب على قولة نعم واعتزازي = رفق الوجيه الطيبه من زهدها
ادري انا بربعي ابا القا مفازي = مع رفقة ماكل منهو وجدها
ادور الطيب وانا با اعتيازي = واشرف على روس الطوال افتردها
واجنب ردي عفن ولا انتهازي = واصحب رفيق للمواجب سندها
حر يعزك بالليالي العجازي = واترك نفوس ضايعه من حسدها
انا بدوي با ارض الشمال اعتزازي = وميلة اعقالي بينه ما بعدهااااااااا

**عبدالله الحجيلان** · 29/06/05, (01:52 AM)

اخوي سلمان

صح لسانك ياغالي ولاهنت

جميل هذا البوح

لكن لو كان تنسيق القصيده افضل شوي يستحسن

تحياااااااااااااااااااااتي لك

**مزيد المزيد** · 29/06/05, (04:11 AM)

سلمان بن خالد

هلابك ياغالي لقد طال غيابك علينا فارجو ان يكون المانع خير

وسجل اعجابي برائعتك ونحن معك ننتظر الغائب الحاضر ( نواف هلال ) <<<<<<<<< وتراني باوصله العلم عشان مايقول مادريت

خالد

صح لسانك وسلمت يمينك واعذرني على اللقافه فقد قمت بتنسيقها واتمنى ان تحوز على رضااك

دمت بخير

**مصلح النشمي** · 29/06/05, (07:40 AM)

انا بدوي با ارض الشمال اعتزازي
وميلة اعقالي بينه ما بعدهـااااااااا

الله عليك اخوي سلمان

صح لسااانك مليووووون يالغاااالي

ابدعت الوصف والدقة في الوصف ايضا

اعجابي اسطره هنا

تحياتي لك

**صالح الضويحي** · 29/06/05, (02:06 PM)

انا بدوي با ارض الشمال اعتزازي
...............وميلة اعقالي بينه ما بعدهـااااااااا

الاخ سليمان

حياك الله وياهلا ويامرحبا

صفقت لهذه المعزوفه الرائعه في منحاها وتصويرها حتى وصلت لهذا البيت

فكان بيت القصيد الذي فيه اجتمع الجمال رغم جزالة القصيدة الاّ انه بيت غير عادي0000

صح لسانك وسلم فكرك

تقبل تقديري واحترامي

**محمد المقبل** · 29/06/05, (02:56 PM)

حـر يعـزك بالليالـي العجـازي
.....................واترك نفوس ضايعه من حسدهـا

انا بدوي با ارض الشمال اعتزازي
...................وميلة اعقالي بينه ما بعدهـااااااااا

الاخ سليمان

صح لسانك قصيده جزله تستحق الاشاده

ودمت بكل خير

**سلمان الردسا** · 29/06/05, (09:28 PM)

[اخوي عبدالله اشادتك افتخر بها
وتحياتي لك
اما بالنسبه للتنسيق والله من جنبها
اولا ماعرف وثانيا مستعجل حيل
وسلامتك