يا عايب اهل الطيب - °~*¤®§(§ شبـــكة ويــلان العـربـيـه §)§®¤*~ˆ°

**فــرج الدهمشي** · 25/04/11, (03:27 AM)

السلام عليكم ورحمة الله وبركاته

حروف رماح في وجه من يعيب اهل الطيب

فيه وجه اهل الغيبه والنميمه ضعاف النفوس في زمن الرويبضه

وهو الشخص التافه يتكلم في أمر العامة

ياعايب اهل الطيب عالج معـايبك=ذنبك تـعـدى المبتلى فـي ذنوبه
لاشفت طيب الناس ثارت لهايبك=على الذي دربـك قـصر عـن دروبه
لا مانعٍ عـن عرض غـيـرك كتايبك=ولا سرت مثله مع هل الطيب نوبه
هذي ركاب القوم فاقت ركايبك=وثوبك قـصـيـرٍ عـن تفاصيل ثوبه
دام الجـرب يجدع طوارف حلايبك=عالج بحالك لين تبرى جنوبه
وعـز الله انه ماربح راس شايبك=دامك من اللي بالقوافي حروبه
اترك مصايبنا وعالج مصايـبك=واكرب خـبوبك قـبل تكرب خبوبه
رح للمحاكم لاجـل تـنهي طلايـبك=والا علاجك عارفيـنٍ حبوبه
ياعايب اهل الطيب عالج معـايبك=ذنبك تعدى المبتلى في ذنوبه
لا رافعٍ صيتك ولا صيت شايبك=وراع الجرب يقعد يهارش جنوبه

**هندي المقبل** · 25/04/11, (09:57 AM)

لا رافــعٍ صيـتـك ولا صـيـت شايـبـك

وراع الجـرب يقعـد يهـارش جنـوبـه

ياسلام عليك يافرج على هذه الابيات البليغه جدا

صح لسانك وسلمت بنانك لكتابة هذه الاحرف الذهبيه

ابيات اجبرتني على اعادة قرأتها مره اخرى

تقبل اعجابي بما كتبت

**مشهور الرشدان** · 25/04/11, (03:02 PM)

الشاعر المتالق / فرج الدهمشي
صح لسانك وعتلا شانك قصيده رائعه وشهادتي فيك مجروحه

**حمد الضوّي** · 25/04/11, (05:09 PM)

فرج الدهمشي

صح لسانك مدد بلا عدد مبدع بحق
لله درك

تحايا

**بنت الكحيلا** · 25/04/11, (05:15 PM)

صح لسانك اخوي فرج الدهمشي

والله يعطيك العافية على هذه القصيدة الرائعه

كتبت فابدعت وامتعت بارك الله فيك

لك شكري وتقديري

**محمد بن موسى** · 25/04/11, (05:23 PM)

ياعايب اهل الطيب عالج معايبـك
ذنبك تعدى المبتلـى فـي ذنوبـه

لا رافعٍ صيتك ولا صيت شايبـك
وراع الجرب يقعد يهارش جنوبه

فرج الدهمشي

صح الساانك ملايين يالغالي

ابيات رائعه ومعبرة فيها من الحكمه الكثير وجزلة

لاخلا ولاعدم يالدهمشي

تقبل فائق الود والتقدير

كن بخيرر

**عبدالله المعيوف الدهمشي** · 25/04/11, (09:46 PM)

بالصميم يا فرج

امتعتني بهذه الجزلة

صح لسانك ملايين