:مواقفه طيبه وبسمة شفاياه " - °~*¤®§(§ شبـــكة ويــلان العـربـيـه §)§®¤*~ˆ°

**بنت الكحيلا** · 23/10/11, (10:22 PM)

رحم الله ولي العهد الأمير سلطان بن عبدالعزيز وجعل مثواه الجنة

ادمى القلوب وهزها يوم فرقاه = حتى طيور الجو لجله حزينه

وذاك اليتيم اللي يلمه اليا جاه = يبكي ويسمح دمعته في يدينه

والدمع من زود القهر تسبقه آه = ويلاه يا اللي كلنا فاقدينه

لو ينفدي (سلطان) لا ما فقدناه = العمر لجله كلنا مرخصينه

بقلوبنا من صادق احساس ننعاه = وعم الحزن كل القرى والمدينه

وحتى ولو جسمه رحل ما نسيناه = وش لون ننسى من سقنا حنينه

مواقفه طيبه وبسمة شفاياه = تبقى صور في ذاكرة عاشقينه

يا قبر ما وصيك با اللي فقدناه = ضمه برحمه مثل ضمة يمينه

وياربي اجعل جنة الخلد مثواه = ونزل على روحه امان وسكينه