الله يسامحك .. تكسر خاطري دايم

[جميل السويلمي]

الله يسامحك

الله يسامحك .. تكسر خاطري دايم
أجيك ملهوف .. والقى منّك الصدة

أشتاق لك .. وأتحرى والغلا زايم
وأحن لك .. والضلوع العوج مشتده

أسج لك .. وآتوجّد .. تايه ٍ هايم
و الفكر ضايع معك .. ماتاخذ بيدّه

يوم إن غيري .. يضم يدينه ونايم
متوسد ٍ راحتي .. والنفس منسده

ضيعت دربي .. معك يالبايع السايم
وأتعبت الأفكار .. بالروحات والرده

إن كان حظ الغلا .. في داخلك قايم
لاتتعب .. اللي عليك أشواقه تحدّه

القلب عن حب غيرك .. يالغلا صايم
و الروح عن شوف دونك حيل منلده

يالايمي .. ما تعرف الشوق يا لايم
ماذقت ماذقت .. رخّ اللوم لا تشدّه


صوتية "شيله"

بـ صوت الشاعر

[سعد النفج]

الله الله يا جميل السويلمي ..
نص مذهل و شيلة مذهلة و حرف مذهل ..
استمتعت بهذا الآداء الجميل يا جميل و كل ما تقدمه جميل ..
لله درك ..

[سالم العنزي]

ابدعت وامتعت جـــــــــــميل السويلمي

شكرا لانك اشبعتني شعرا
شكرا لانك امتعتني بهذه الشيله

مازلت عند قناعتي بأنك شاعر كبير وانا من المتابعين دائما لما تكتب

صح لسانك

[هندي المقبل]

الشاعر القدير / جميل السويلمي

صح لسانك على هذه القصيده الجزله والشيله الرائعه

شاعر قدير نشتاق كثيرا له

تقبل اعجابي وتقديري

[نافع عيد الجديد]

صح لسانك وسلم بوحك الجميل
اسجل اعجابي
رعاك الله برعايته

[سعود المسعودي]

الشاعر القدير / جميل السويلمي




صح لسانك على هذه القصيده الجزله والشيله الرائعه



تقبل تحياتي وجل تقديري

[حمد الضوّي]

جميل السويلمي


صح لسانك قصيده رائعه وشيله أروع
لاهنت ولافض فوك








تحايا