عشق ينتحر بهدووووووء .. جديدي بينكم - °~*¤®§(§ شبـــكة ويــلان العـربـيـه §)§®¤*~ˆ°

**عبدالعزيز العدواني** · 21/11/11, (04:56 AM)

بين الشموخ وبين حبك جريمه

احترت مدري في حياتي من اغتال

إكتبيني حس واقراك بشعور
وبعثريني يوم والمك شهر

إسكنيني حتى اشوف النور نور
واسهري بي لين امل من السهر

حبنا عمره مثل عمر الزهور
يا فقد عطره يموت من القهر

يا اجمل اسم(ن) ما توفيه السطور
يا وضوح الشمس في وسط النهر

حبك الحاضر عن الماضي طهور
يوم باعلى الصوت من حسنك جهر

جيت لك والنفس يملاها الغرور
ورحت والنفس العزيزه لك مهر

سوي اللي ودك تسوين جور
قلبيني بالهوى بطن وظهر

انتي اللي عن شقى الايام سور
وانتي اللي ما يغيرك الدهر

طاب فيك الجرح والجرح معذور
من طهارة ملمسك .. ( سرعه طهر )

مير ابودعك والقلب معسور
غصب ماهو كيف والقلب انصهر

خايف من الوقت والدنيا تدور
والمفارق سيف في وجهي شهر

ودنا يبقى هوانا بالصدور
دام توه يا حياتي ما ظهر

خلي العالم تنبش بالقبور
وخلي العالم تموت من القهر

**سعود المسعودي** · 21/11/11, (12:11 PM)

صح لسانك يالعدواني جزله وانت جزل

تقبل تحياتي وجل تقديري

**حمد الضوّي** · 21/11/11, (02:01 PM)

العدواني

صح لسانك وبيض الله وجهك إبداع بلاحدود

تحايا

**هندي المقبل** · 21/11/11, (02:52 PM)

عبدالعزيز العدواني

لا املك الكثير امام شموخ حرفك سوى جملة :: صح لسانك ::

حضور لتسجيل الاعجاب بهذا النص وارجوا تقبله

**غموض الشمال** · 21/11/11, (04:31 PM)

الله عليك اخوي عبدالعزيز
دائمآ تبهرني نصوصك المميزه
صح الله لسانك
ودام الابداع وصاحبه
تقديري لك

**صالح الأسود الجعفري** · 21/11/11, (08:26 PM)

عبدالعزيز العدواني

صح السانك ع الشامخه
دمت بخير

**سعد النفج** · 21/11/11, (10:21 PM)

عبدالعزيز العدواني ..
شاعر و صاحب خيال شاسع و رائع ..
في كل بيت أجد الجمال ..
و من كل حرف صنعت الابداع ..
لله درك على هذا النص الجميل و صح لسانك ملايين ..