وداعة الله يافقيد العروبة = لوا خسارة يدفن اليوم سلطان - °~*¤®§(§ شبـــكة ويــلان العـربـيـه §)§®¤*~ˆ°

**بنت راشد** · 28/10/11, (08:26 PM)

السلام عليكم ورحمة الله وبركاته هذه مرثية بفقيد العروبة صاحب السمو الملكي
الامير سلطان بن عبدالعزيز رحمه الله الذي كان خبر رحيله علينا قاسيا جدا فقلت في هذا الموقف الحزين:

وداعة الله يافقيد العروبة = لوا خسارة يدفن اليوم سلطان

والشعب ينعى والعيون مغلوبة = والدمع فاض ومحجر العين مليان

وتخفي اساها والقلوب معطوبة = والامر لله صاحب الملك والشان

ياكافل الايتام جتك المثوبه = في ساعة يوفابها كل ديان

والموت حق والاجال محسوبه = وحنا عوضنا في سلالة كحيلان

نطاحة الكايد بوقت الصعوبة = وشرب المصايب عندهم شرب فنجان

قال الفهد هذا المثل واقتدوا به = ماتنزل الهمة على كثر الاحزان

شالو علمنا بالفضاء واصعدوبه = وياراية التوحيد نذعن لها اذعان

بظل ابو متعب وغلاه انشدوبه = وكلن يحبه قالها سر واعلان

وصلاة ربي عد نسمه هبوبه = على النبي المصطفى نسل عدنان

**محمد دعسان** · 28/10/11, (08:37 PM)

اقول يابنت راشد
الله يبض وجهك
والله يرحم سلطان
انتي من يصنع
الابداع
ونتي الجزاله بحد ذاتها
تقبلي مروري المتواضع
دمتي بحفظ الكريم

**سراب نجد** · 28/10/11, (09:38 PM)

بنت راشد

رحم الله سلطان بن عبدالعزيزرحمة ٍ واسعه

وصح والله السانك على هذا البداع والكلمات الرائعه

النابعه من ضمير وصدق مشاعر الله يسعدك ويجزاك خير

لك مني أفضل التحايا والتقدير

**صالح الأسود الجعفري** · 28/10/11, (09:41 PM)

رحم الله الامير سلطان

بنت راشد
صح السانك وبيض الله وجهك اختي
دمتي بخير

**محمد البويليد العنزي** · 29/10/11, (12:13 AM)

بنت راشد

رحم الله سلطان بن عبدالعزيزرحمة ٍ واسعه

وصح والله السانك على هذا البداع والكلمات الرائعه

النابعه من ضمير وصدق مشاعر الله يسعدك ويجزاك خير

**سعد النفج** · 29/10/11, (05:25 PM)

الشاعره المميزة بنت راشد ..
صح لسانك و رحم الله سلطان الخير و أسكنه فسيح الجنان و غفر له ..
مميزة دوما بنت راشد ..

**حمد الضوّي** · 29/10/11, (06:22 PM)

بنت راشد

رحم الله سلطان الخير
وصح لسانك مشاعر صادقه بيض الله وجهك

تحايا