يذوب الثلج فـ/ اعروقي - °~*¤®§(§ شبـــكة ويــلان العـربـيـه §)§®¤*~ˆ°

**الحوراء بنت نجد** · 09/08/11, (05:28 AM)

يذوب الثلج فـ/ اعروقي

كتبت البارحه حرفي وحرفي من غلاك يزيد = ابي تمطر على قلبي سحابه منك تسقيني
كتبت احلا القصايد والغلا يزداد بالترديد= احبك واعشقك واهواك ما ظني تكفيني
لانك لي فرح بكره وبكره فيك يصبح عيد=لانك بالهوى تقدر تفرحني تبكيني
حبيبي انت تعجبني ترفق بي وزيد وزيد=لاني ذبت في حبك وانا ودي تدفيني
يذوب الثلج فـ/ اعروقي ويبقى للقاء تجديد=غيابك ياحياتي يوم يتعبني ويشقيني
احبك حب مايوصف اموت بشوفتك واعيد=ملكت الروح ياحبي دخيلك لا تعنيني
اعبر عن شعوري ماعليه من زماني قيد=تعبت اكتم احاسيسي ابيك اليوم ترويني

**محمد بن موسى** · 09/08/11, (05:37 AM)

الشاعرة الراقيه / الحوراء

صح بووحك ونبض روحك

نص راقي برقي كاتبته

امتزج فيه صدق المشاعر بروعة الاسلوب وجزالة الابيات

ثقي اختي ان الكلمات حينما تخرج من قلب صادق

فانها تصل الى القلوب باسرع مما تتخيلين

راقني النص كثيراً اختي الفاضله

تقبلي مروري واعجابي بما قرأت

دمتي بوود وسعاده