أول اقول اني صبور وشمالي - °~*¤®§(§ شبـــكة ويــلان العـربـيـه §)§®¤*~ˆ°

**غموض الشمال** · 27/11/10, (04:02 PM)

يآصآحبي طآلبكـ خلنَي بــحـآلي
مآآ أبي "أضيــّــق خآآطرك" وأنت مرتاآآح

•

ياصاحبي وإن غبت عنك " ليالي "
غلاك باقي بــالحنايا ولا راح

•

تبي أسولف لك وش اللي جرالي؟؟
أخاف يمسح قولنا الصبـــح لا لاح ..!!

•

أجل تعال أجلس "هنيـّـا" قبــالي
دام الحطب طاح وكثر العتب طاح

•

لو كل شخص إليا عطيته وفالي
ماكان بــ الدنيا حزن ليل وجراح ..!!

•

ولو كل غالي قدّر إحساس غالي
ماشفت ذاك الدمع من محجره ســاح ..!!

•

ولو كل قلب من الحسد جاك خالي
مايشتكي من "شحّ الأمطار" فــــلاّح

•

ولو كل واحدجاك طبعه مثـــالي
ماكان بــ الدنيا سجن ناس وإصلاح ..!!

•

ولولا الذنوب اللي بـكبر الجبالي
ماكان "جيش الكفر" لــ بلادنا إجتـــاح

•

ولو الردي يعرف شــ معنى عيالي
ماقطّ أبوه بـــ دار الآلآم يـــــــا صاح ..!!

•

هذا بعض "حزن السنين" التوالي
طير الحزن مبطي على خافقي ناح

•

ما أقول أن الخير ماله مجالي
لآ والذي يفلق من الليل الإصبــــاح

•

لكن هنا بعض "الألم" ياحلالي
وأنا أدري أن العود يوم أحترق فاح

•

أول أقول إني صبور وشمالي
واليوم لآ والله أنفجر سدّي وبـــاح ..!!

•

ماقلت لك يا ذيب خلّني بـ حالي
هذا أنت "ضقت" وأذكرك جيت مرتاح .!!

مما رااااااق لي

**أبو غرام** · 28/11/10, (11:31 PM)

هذا انت ضقت واذكرك جيت مرتاح

.
.
ونعم الذوق والنقل اختاه

على الرغم مما تحتويه الابيات

صح لسان قائلها وناقلها

دمتي بود

**غموض الشمال** · 29/11/10, (04:16 PM)

تسلم اخوي ابو احمد على روعة تواجدك الدائم
ماننحرم من مرورك العطر

تقديري لك

**سعود المسعودي** · 28/12/10, (04:16 PM)

صح لسان شاعرها وشكرا لاختيارك الجميل

**بنت الكحيلا** · 28/12/10, (07:04 PM)

اختيار رائع اختي غموض الشمال

الله يعطيك العافية على حسن الإنتقاء

لك ارق تحية وتقدير

**عبدالله المعيوف الدهمشي** · 28/12/10, (09:19 PM)

أبي أختار بيت ما قدرت

كل بيت احلى من الثاني

صح اختيارك وصح لسان شاعرها

**محمد بن موسى** · 28/12/10, (10:40 PM)

أول أقول إني صبور وشمالي
واليوم لآ والله أنفجر سدّي وبـــاح ..!!

الشاعره القديرة / غموض الشمال

رائعه رائعه بكل ماتحمل الكلمه من معنى
ولايستغرب هذا الاختيار المميز من شاعره ابدعت في شعرها قبل اختيارها
دمتي ودام وجودك