خـيـول الذكرى

[نشمي الماضي]

يه احبك واعتني فيـك واهــواك = رغم الضروف القاسيه في وصولك
ماشفت مثلك بالبشر في حلايـاك = واجمل جمال الكون ماهي بحولـك
سبحان ربٍ صورك يـــوم ســــوّاك =وأرهى عليك الزين عرضك وطولك
وش حيلتي وآنا شفوقٍ بلامــــاك =أشفق وحبلي قاصـــرٍ مايطولــــــك
ياويل قلبي لاغزى الفكر ذكـــراك = وقامت تدابك وسط قلبي خيولـــــك
عذبتني مابين وصـلك وفرقــــــاك =وأتعبتني وآنـــا آتحرا رسولـــــــك
وأرسلت مرسول المحبة ولاجـاك = يحدونه الّي في قفايه حكــولـــــــك
ناسٍ على وصلي تردّك وتنـــــهاك = وعلى المواصل بيننا وقّفولـــــــك
ناسٍ على فرقاي تفرح وتنخـــــاك = وتشمت بك العذال لو صفقولــــك
أتعبت عينٍ سـاهره ليل لرضــــــاك = تضمى لشوفك ثم تحرّا هطولــك
إن قالها الله غير نارد على مـــــاك = ونشرب زلالك ونتحدّى عذولــــك
وأسهر معاك ونجمة الليل وإشتاك = والصبح وأيام السنه مع فصولـك
وياقلب لاتبدي على الناس شكواك = إصبر وأنا أدري زايداتٍ حمولــك

[مشهور الرشدان]

وياقلب لاتبدي على الناس شكـواك إصبر وأنا أدري زايداتٍ حمولـك

في هذ1 البيت ذكرتني في بيت الشاعر الكبير منصور الرمالي يوم يقول

همي انا مشكيه حتى على امي ماعن مابه حي ارحم من الام
الله عليك اخوي نشمي انت تعديت فوق مرحله الابداع في هذه القصيده

مؤثره جميله جزله معاني دفينه وشهادتي فيك مجروحه مهما قلت
صح لسانك مدد بلا عدد تقبل مروري دمت بخير

[عاشق المعالي]

نشمي الماضي

صح لسانك على هذه القصيده التي فيها الكثير من مواطن الجمال

تقبل اعجابي

[البدر]

صح لسانك يانشمي الماضي

شاعر جميل ونص مميز

[محمد بن موسى]

الشاعر / نشمي الماضي

صح السانك مدد بلا عدد

قصيدة جزله من شاعر جزل

لله درك اخوي

كن بخير

[سعد النفج]

نشمي الماضي ..
شاعر متألق و راقي ..
جميل ها الشعر ..
و الي يخفى الأغلبية أن ها النص حاز المركز الأول في أحد المسابقات الشعرية ..
رغم وجود العديد من الشعراء في المسابقة إلا أن هذا النص نال رضى اللجنة ..
صح لسانك يا نشمي و دمت و دام ابداعك ,,..

[خلف الغريب]

صح لسانك يا نشمي ولا هان هذا الحضور الجميل ..

اتمنى لك التوفيق وتاصل هواك ان شاء الله ..

تحياتي لك