هذه القصيدة الى قبيلة بني وايل
وارجوا ان تنال اعجابكم
بسم الله الرحمن الرحيم
اعـــداد ماهلّـــت امزون المــــخايل
واعــداد مايـــقرا الـــخبر بالجــريده
واعــــداد مانبـــت الزهر بالــمسايل
واعداد مايجنى من اثمـــار غيــــده
ســـلام يالغـــاليـــن يعـــيال وايـــل
ووقـــاتــــكم دايم عســاها سعيدة
يالابــــتي مامـــثلكم بالـــقبـــايــــل
ياهـــل المـــكارم والفــعول المجيده
من دون تقـــــصير(ن)بــحق الحمايل
كــل(ن)علــى حــقه بديـــده بديــده
لاكــــــن قبــــلي قــــال راع المـثايل
جميــــع قــــوم ولاعنزه الــــعنــــيده
يـــوم العـــرب مابين صـــايل وجايـــل
حــــريـــبهــم دايـم حياته نــــكيــــده
حامــــين ديرتهم بــــحد الصـــقايــــل
وعـــدوهم ماحـــصّل الــــلي يريــــده
مــن الــمدينه لين تيــــماء الـــحايـــل
وشمال الى عرعر على الجوف سيده
حامـــــينها عــــن كل طــــامع وعايل
اليا حــــك في راس الحديــده حديـده
بالـــمرجله يــرقون روس الطــوايـــل
احــــرار مايرظـــون عيـــشه زهيــده
اليا انتـــخوا عند امـــهات الشـــمايـل
كـــم طاح عند انحورهم من ولـــيده
متــــوارثين المـــجد ماهي نحــايـل
في صـــفحة التـاريخ ماهي جديده
الـــجد واحـــد مالــفــقنا فــــصايـل
مـن صلب وايــل والمقاضب جويده
ذراي عــن لفحــت سـموم القوايل
هم محــزمي وقت الليال الشديده
للـــجود جــــود وللفـــعايل فـعايل
ولـــلخير خيــر وللمـكيده مكــيده
التــــفرقه فيـــها علـــينا خـــمايل
ولاتــفعل اليد كان صارت وحيــده
واليـــا اجـــتمعنا عـــزنا ماتـــمايل
ومن يزرع المعروف يلقى حصيده
هذا الصحــيح اللــي عليه الدلايل
ولا نقـــول الا العـــلوم الاكيـــده
وحنا بحكم اهل الكرم والفـضايـل
فـي ظلهم عشنا الحياه الرغيده
امـــن وامان وبــيننا الشــك زايـل
والكـل ينظر بس كم هو رصـيده
وصـــلاة ربــي عد ماقــال قــايل
على النبي المتبوع صفوة عبيده
04/11/10, (07:28 PM)
عـــــيــال وايـــــــل.........
العرض العادي
