استلم ياجائز المليحان ... - °~*¤®§(§ شبـــكة ويــلان العـربـيـه §)§®¤*~ˆ°

**محمد بن موسى** · 02/09/10, (02:02 AM)

بسم الله الرحمن الرحيم

السلام عليكم ورحمة الله وبركاته

اعضاء ومشرفي ويلان العربيه

صبــاح / مسـاء الخير

قصيدة سبق ان نشرت بأحد المواقع الالكترونيه واحببت ان انقلهالكم
وهي بأخ اتشرف بمعرفته وهو الشاعر / جائز مليحان الجعفري فمهما قلت اجدني مقصر و لن افي ابو احمد حقه من الثناء والاطراء

اترككم مع الابيات على امل ان ترتقي لذائقتكم الشعريه

حييّت ياوجه السّعد والتباشير=يالجعفري ياريف ربعه وجاره
اهلاً هلا اعداد ماغرد الطير=واعداد مالآح النجم في مداره
واعداد ماصف(ن) دلال(ن) مباهير=باللي له القيفان فن وشطاره
من روس قوم(ن) ماتحسب المخاسير=عاداتهم بالطيب كسب الصداره
جعافره لاصار بالوقت تقصير=يردون حوض الموت غّي وجساره
يقولها اللي صخر القاف تصخير=وله في مجال الحرف فن ومهاره
خوتك تشرا بالذهب والدنانير=ويزيد حرفي في جنابك وقاره
شاعر ولك عندي معزه وتقدير=اقولها من راس يقدح سطاره
صورتلك مالآج بالنفس تصوير=وارسلتها احلى سلام بوقاره
الذ واحلى من حليب المصاغير=واصفى من المي القراح بغضاره
وسجلتها لعيون شيخ المناعير=للشاعر اللي يستحق الصداره

**نافع عيد الجديد** · 02/09/10, (02:10 AM)

الله الله
صح لسانك حتى ترضى
قصيده جزله من شاعر جزل
محمد بن موسى والله ومليون نعم بك
وابو احمد يستاهل كل خير عز الله نعم الرجل
ومليون نعم بربعنا الجعافره
تقبل احترامي وتقديري

**بدر الخلاوي** · 02/09/10, (02:22 AM)

شاعرنا الرااقي والمميز محمد بن موسى صح لسانك

واعتلا شانك وبيض الله وجهك ورحم الله

والديك انت تفعل وابو احمد يستاهل

وكـلكم كفؤؤؤؤؤؤؤؤؤ

دامت المعزه بينكم

ودمتـــم بحـــمى الرحـــمن

اينما كنـــــتم ,,,

**محمد بن موسى** · 02/09/10, (02:33 AM)

اقتباس:

المشاركة الأصلية كتبت بواسطة نافع عيد الجديد

الله الله

صح لسانك حتى ترضى
قصيده جزله من شاعر جزل
محمد بن موسى والله ومليون نعم بك
وابو احمد يستاهل كل خير عز الله نعم الرجل
ومليون نعم بربعنا الجعافره

تقبل احترامي وتقديري

اخوي / نافع الجديد

صح بدنك يالغالي ونبض قلبك
وابو احمد يستاهل ومهما قلت بحقه ابقى مقصر
وسعيد اخي نافع بمرورك المميز الذي احرص عليه دائماً

كن بخير

**سالم صالح** · 02/09/10, (03:57 AM)

الشاعر الرائع

محمد بن موسى

صح السانك قصيدة راااااائعة بروعة شاعرها وجمال شاعريته الراقية

جميعكم كفوا ويستاهل المادح والممدوح ادام الله معزة الطيبين امثالكم

تقبل تقديري وودي

**عبدالله عشوي** · 02/09/10, (04:11 AM)

جعافره لاصـار بالوقـت تقصيـر
يردون حوض الموت غّي وجسـاره
يقولها اللي صخر القـاف تصخيـر
وله في مجال الحرف فـن ومهـاره

الف شكر يبن موسى
حقيقه انها من رجل شامخ
مهداء الى رجل شامخ جائز مليحان
ابو احمد
كفو ويستاهل كل طيبه وانت شاعر وقلت وابدعت

**ماجد الغانم** · 02/09/10, (05:04 AM)

الشاعر القدير

محمد بن موسى

صح لساانك ..ولاهنت

نص شامخ وجزل

والنعم فيك اخوي محمد وبابو احمد كلاكما نفتخر به

بيض الله وجهك

ودمت بكل خير