الـــــــــــــــــــــفــــــــــهـــــــــــــد

[سلطان العنزي]

السلام عليكم ورحمة الله وبركاته
بما ان هذي المشاركه الثانيه لي في هذا المنتدى الراقي
احببت ان اشاركم الحزن في فقيدنا وفقيد الامه العربيه الملكه فهد رحمه الله
في قصيده لاتعبر عن شي مابداخلي فأحيان يعجز الكلام عن التعبير

.. ((الـفـهـد))..

راح الفهد ويدوم بالقلب مـوجود=انا اشهد ان الروح عقبه وحيده
موجود لاكني مع الناس مفقود=مفقود من نارٍ بصدري وقيده
متفطرن قلبي كما تفطر العّْود=يومه فقد رجال شيخ وليده
ياناشدٍ عن دارنا دار ال سعود=اهل الكرم واهل الخصال الحميده
درب الخيانه والقهر دوم مسدود=ودرب الجهل ياعل ربك يبيده
بالعلم كرس له تلاميذ وجنود=اجنود خيرٍ بالملاقى شديده
في حصة التعليم قدامنا فهود=وكل الحصص فيها فهودٍ عديده
عينه سهيره دوم والعالم ارقود=يالله عسى بالأجر ربك يزيده
كرس له التاريخ والكل له شهود=اجيالنا الماضين وايضا الجديده
بالمجد عز الله كل فعله امجود=والسلم والإسلام اعظم مجيده
والامن والايمان مشدود مشدود=حبله بقلب الشعب صاير حديده
حريمنا واطفالنا تبكي ابزود=وارض الوطن تبكيك ياذا الفقيده
يالله عسى في جنة الرب موعود=وفي جنة الفردوس كلٍ يريده
ليت الزمان يعود والعالم اتعود=ويفديك شعبك من وريده لوريده
هذا القدر من غير علم ٍ ولا قيود=حكمة ولي الكون خالق عبيده
راح الفهد ويدوم بالقلب مـوجود=والله يعظم اجركم ياعضيده

[منصور الرويلي]

كـفــو يـاســلــطــان

قـصـيـدة تـجـسـد مـضـمـونـك

رحـمــة الله عـلى فـقـيــدنـا الغالي

وأسكنه فسيح جناته أنه سميعً مجـيب

[سلطان العنزي]

اشكر مرورك الكريم يا اخ منصور الرويلي
ماقصرت ويعطيك العافيه
اخوك
سلطان العنزي

[هزاع الساري]

صح لسانك يا سلطان العنزي


قصيدة ولا اجمل في رثاء فقيد الامه

[صالح الضويحي]

هذا القدر من غير علم ٍ ولا قيود
حكمة ولي الكون خالق عبيـده
راح الفهد ويدوم بالقلب موجود
والله يعظـم اجركـم ياعضيده

سلطان العنزي

تسلم اخي الكريم

قصيدة تجسد مشاعر الجميع وتتحدث بلغة الجميع



غفرالله لفقيد الامه واسكنه فسيح جناته


وصح لسانك على هذا البوح الصادق والمشاعر القيّمه

تقديري واحترامي لك

[فهد الخدلي الفدعاني]

بالعلم كرس له تلاميذ وجنـود
اجنود خيـرٍ بالملاقـى شديـده

الشاعر سلطان العنزي

صح لسانك قصيدة رائعه لفقيد الامه

رحمة الله على فـقـيـدنا الغالي


ولاهنت

[هيـاا العـازمـي]

رحم الله أبا فيصل

وأسكنه فسيح جناته

الفاضل .. سلطان العنزي

وعليكَ السلام ورحمة الله وبركاته

مرثية رائعة تليق في بوفيصل

صح لساانك ولاهنت

تحياتي

هيــــاااا العــــازمـــي