قصيدة نادرة من تأليف خادم الحرمين الشريفين... - °~*¤®§(§ شبـــكة ويــلان العـربـيـه §)§®¤*~ˆ°

**عزيز نفس** · 05/08/05, (12:37 AM)

(( خادم الحرمين الشريفين الملك\فهد بن عبد العزيز حفظه الله ..))

عندما كان مريضا في لندن في شهر شوال من عام 1385هجري
حيث بعثها إلى المرحوم الأمير فهد بن سعد يشكو فيها
قسوة المرض حيث قال :

يا بو سعد صارت على أخوك غارات

..................................شهرين أقاسي من شديد الغرابيل

سوالمرض يحمل على أخوك حملات

..................................مافي يدي حيله ولا في يدي حيل

والله فزع من فوق سبع السماوات

.................................وأنا أحمد الله يوم صارت تساهيل

ماينفع الخايف والأيام عجلات

....................................الخوف ماينفع ولا القول والقيل

حنا هل العوجا ولابه مراوات

...............................شرب المصايب مثل شرب الفناجيل

لاشك أنا مشغول في كل الأوقات

............................على الذي حنـــــــــا بظله رجاجيل

ماني على نفسي كثيرالحسافات

.............................لا سلم راسه روسنا رفاع با لحيل

حامي حمانا بالليالي المخيفات

..............................لو صار بالــــــعالم كثير الزلايل

فخر العروبه بالعدل والمساواه

............................هذاك هو فيصل ولا فيه تشكيل

يشهد له اللي شاهدوا منه ليات

..............................ويشهد له التاريخ جيل بعد جيل

القائل
خادم الحرمين الشريفين
الملك فهد بن عبد العزيز ال سعود

**محمد الدلماني** · 05/08/05, (05:15 AM)

فخر العروبه بالعدل والمساواه

............................هذاك هو فيصل ولا فيه تشكيل

يشهد له اللي شاهدوا منه ليات

..............................ويشهد له التاريخ جيل بعد جيل

رحمك الله ياابا فيصل

شكرا لك يابو عزيز لاهنت

**فهد الخدلي الفدعاني** · 05/08/05, (05:20 AM)

سوالمرض يحمل على أخوك حملات

..................................مافي يدي حيله ولا في يدي حيل

والله فزع من فوق سبع السماوات

.................................وأنا أحمد الله يوم صارت تساهيل

يامال الجنه

يالله انك ترحمه وتدخله جنتك

ولاهنت ياعزيز

ودمت بخير

**م.عبدالله الملحم** · 05/08/05, (05:22 AM)

فاجابه الامير \ فهد بن سعد رحمه الله بهذه القصيده :

يامرحبـا بكتـاب زبـن المـخـلات....اهـلا هلابـه عـد وبـل الهماليـل
حمـدت مـن زال الكـدر بالمسـرات.....فكاك مـن صكـت عليـه المحابيـل
فـزع لـك اللـي عالـم بالخفـيـات....مبري جروح ايوب غيـث المراميـل
لعل مايزعج علـى فقـدك اصـوات....ولعلهـا لـك يابـو فيصـل تماهيـل
الله يجيرك مـن صواديـف الافـات....عسـاك تسلـم ياعشيـر المشاكـيـل
ماانت برخيـص ياربيـع القرابـات......لو هي بالايدي كان دونـك حلاحيـل
ترا لنا بـك يافتـى الجـود هقـوات....في وقتنا الحاضـر وباللـي مقابيـل
يفـداك ربـع قصـروا بالمهـمـات.....اللي علـى القـالات ماتنطـح الشيـل
بعض العرب حي ومن عرض الاموات.....مايرتجـي نفعـه بحـل المشاكـيـل
وفيصـل ذرانـا بالسنيـن المخيفـات.....هو درعنا الضافي الى ضدنـا الميـل
اللـي نقـل عنـا حمـول ثقـيـلات.............راس الحصيـل ان كملـن الحصيـل

اخوي عزيز نفس

يعطيك 1000 عافيه

تقبل تحياتي

....

**هزاع الساري** · 05/08/05, (03:40 PM)

حنا هل العوجا ولابه مراوات

...............................شرب المصايب مثل شرب الفناجيل

رحمك الله يا ابا فيصل

**سلطان السويلم** · 05/08/05, (04:13 PM)

عزيز نفس يعطيك العافيه

ولا هنت ورحم الله الملك فهد واسكنه فسيح جناته

م عبدالله الملحم

يعطيك العافيه على الرد

وتقبلوا تحياتي

**هيـاا العـازمـي** · 05/08/05, (10:05 PM)

عساك للجنه يابو فيصل

أنشهد انها قصيدة توجع القلب

خاصه في هذه الفترة

وبعد رحيل الفهد

لا حول ولا قوة الا بالله

يا مثبت القلوب ثبت قلوبنا على دينك

لاهنت يا عزيز نفس

ولاشلت يمناك يا عبدالله الملحم

تحياتي

هيـــااا العـــازمـــي