الغزل ماهو مع المعنى دليل...قصدي(......)أسير لعينها - °~*¤®§(§ شبـــكة ويــلان العـربـيـه §)§®¤*~ˆ°

**ابراهيم الغريب** · 25/12/09, (06:40 PM)

أحبة الحرف في شبكة ويلان العربية...أتمنى أن تنال إستحسانكم

بالأمل يمكن مع الدرب الطويل=قلت أصادف في طريقي عينها
من مشيت وفي طريق الشوق ليل=وكل ظلما.. لي تمد يدينها
واحتزمت ولافتر لاالشوق حيل=فرصتي يمكن تجي في حينها
قلت يمكن مابقى غير القليل=وعمري الباقي عريس سنينها
مالها من صُغرنا بعيني مثيل=وهي صغيره.. طاغيّه في زينها
لا اقبلت شوقي لها سيل(ن) يسيل=وكل قاسي ينحني مع لينها
من كبرْنا ليومنا مامن حصيل=بسمتي.. ما اوفى الزمان بدينها
من وعيت.. بوجه هــ ..الدنيا عليل=صرت أدور زينها.. في شينها
قلت يمكن.. يوم.. لسنيني تميل=والحظيظ اللي.. عرف هي وينها

**مشاري بن فالح** · 25/12/09, (08:35 PM)

لا اقبلت شوقي لها سيل(ن) يسيل
وكل قاسي ينحني مع لينها

صح لسانك
ياناعم الحرف

ابيات عذبه وجميله يالغريب
................... كن الشعر محصور في قيفانها ..

:

:

دمت بود

**ابراهيم الغريب** · 25/12/09, (10:25 PM)

اقتباس:

المشاركة الأصلية كتبت بواسطة مشاري بن فالح

لا اقبلت شوقي لها سيل(ن) يسيل
وكل قاسي ينحني مع لينها

صح لسانك
ياناعم الحرف

ابيات عذبه وجميله يالغريب
................... كن الشعر محصور في قيفانها ..

:

:

دمت بود

أخي/ مشاري بن فالح.

صح بدنك..عطرت متصفحي بمرورك الجميل

ودي وتقديري.

**عوض بن خميس** · 26/12/09, (11:51 AM)

الاخ ابراهيم الغريب
صح لسان مدد بدون عدد ولا فض فوك على هذة القصيدة الجزلة من رجل جزل يعرف طريق الابداع..شكرا لك حتى ترضى .. تحياتى

**بدر الخلاوي** · 26/12/09, (05:01 PM)

اخوي ابراهيم الغريب صح لسانك وسلمت يمينك ابيات في قمة العذوبه تقبل مروري واعجااااابي

**طلال الايداء** · 26/12/09, (05:37 PM)

الله الله عليكـ

يااجززل اخووووي ابرااهيم الغريب

فقلمي يصغررر اماام نصكـ النقي

دمت هكـــــذااا داائمـا"

تقبل مروري المتوااضع

طـــــــــــــلال الايــــــــــــــــــداء

**سالم العنزي** · 26/12/09, (07:37 PM)

بالأمـل يمكـن مـع الـدرب الطويـل............قلـت أصـادف فـي طريقـي عينـهـا
من مشيت وفي طريق الشوق ليل .......... وكــل ظـلـمـا.. لـــي تـمــد يديـنـهـا

ياسلام على هذه العذوبه الطاغيه بهذه القصيده الجميله بلا حدود

ابراهيم الغريب صح لسانك مليووون