حالي خرز مسباح من يوم قاطعت ( جديد وبألقائـي) - °~*¤®§(§ شبـــكة ويــلان العـربـيـه §)§®¤*~ˆ°

**مشاري بن فالح** · 23/01/10, (06:50 PM)

السلام عليكم

اضع بين ايديكم هالمتواضعه من الجديد ... اتمنى انها تنال على رضى ذائقتكم
بس هالمره حبيت اسوي حركات صوتيه ... ومؤثرات صوتيه على الكلمات
وبألقائـي .. فتقبلوها بكل ود ...

:

:

حالي خرز مسبــاح

*********

وينك تعبت ارجوك ارجع و لاهنت
........................ ملّ السهر ونجوم هالليل زاحت

:

كلي غديت افتوق لجلك انا عشت
.......................... عايش على ذكرى قديمه تلاحت

:

قلبي وفا يرويك واذكر كما قلت!
.......................... وينك تعال وشوف دنياي شاحت

:

قلبي غدى مذبوح من يوم غربت
.......................عزاه ياشرقي ترى الشمس راحت

:

غيم الحزن هتان من يوم ماغبت
....................... وايام فرحي في غيابك تناحت

:

كل مايمر طيفك عليّه وبيحت
....................ونـّــات من صدري لها الروح ناحت

:

كنـّـي يتيم ومابقى لي سوى انت
........................ والناس عقبك في حلاله استباحت

:

حتى الهجوس ينوح من يوم دنقـت
....................... وهمه ملى القرطاس وادموع ساحت

:

حالي كما المسباح يوم انت قاطعت!!
................... عجزت تجميع الخرز يوم طاحت!!!

:

ياصاحبي وش بك لفرقاي عجـّلت
....................... ليتك تشوف الروح وشلون صاحت

:

الله وكيلك مابقى غير ما مت
..................... وفوق القبر خطوا مايوم استراحت

:

بس الوكاد اني ابعلن ..( تحطمت)
..................... والله يجازي خطوتـك يوم راحت

*********

الشاعر : مشاري بن فالح البدري العنزي ( هاجس الحرمان )

22 / 1 / 2010
لتحميل القصيده بصوتي << راعي اكحلا
^
^

:

:

**سالم صالح** · 23/01/10, (09:01 PM)

الله واكبر عليك

مشاري فالح

شاعر مميز ومبدع من اول قصيدة لك ولكن هذي غير موووووووجعة بحق ولاتعليق سوى ان اقول لك

ابحرت فينا لعالم الاهات والالام ولكن باتقان وحرفنه

تقبل تقديري وودي

**حمد الخمعلي** · 23/01/10, (10:26 PM)

الاخ القدير مشاري0

صح لسانك0

عندي ملاحظه على ابيات عده0

والنااس عقبه في حلاله استباحت0

لا ادري هل تقصد( حلاه) هذا خطأ املائي0
او( حلاله) وهذا يكسر البيت00

صح لسانك مره اخرى والقصيده فيها جماليات كثيره0

مثل

غيم الحزن هتان من يوم ماغبت
....................... وايام فرحي في غيابك تناحت00
00

الاخ مشااري القائك لها زادهاا رونق بالجمااال0

ولاكن ارجو ان تتقبل ماقلت بصدر رحب0

كُن بخير

**عوض بن خميس** · 23/01/10, (11:34 PM)

راعى اكحلا
ونعم بك ... رائع وكلمة رائع لاتوفيك حقك من الابداع. طرح انيق وسلس شاعر متمكن تستطيع الغوص فى بحور الشعر وانت اهل لذلك شاعر مبهر شاعر مثقف شاعر تستطيع احتواء المفردات الشعبية والمعانى الشعرية الرائقة
بشكل عجيب مشالله عليك انت مدرسة شعرية قل مثيلها.. تحياتى واعجابى

**طلال** · 24/01/10, (12:04 AM)

مشاري صح لسانك

مشاري اختلفت القافيه عندك مدري وش السبب

لاهنت غربت بيحت دنقت

تحياتي لك

**masha3el ** · 24/01/10, (02:11 AM)

الشاعر العذب
‏مشاري بن فالح
‏صح لسانك وبدنك ولاهنت ن
‏نص بقمه الروعه والاحساس عالي بالكلمات وروعه التصوير
وكل حرف زين كل بيت بالنص وبالتوفيق ياراعي اكحلا وجاري تحميل النص

**بدر الخلاوي** · 24/01/10, (04:27 AM)

مشااااري بن فالح
صح لساااااااانك
وسلمت يمينك
وبيض الله وجهك
وتقبل مرووري
بود