"صبر النمل" - °~*¤®§(§ شبـــكة ويــلان العـربـيـه §)§®¤*~ˆ°

**بنت الكحيلا** · 05/10/09, (02:48 PM)

ترا الشعر ماهو بملك الرجاجيل=حتي النساء بمكانهن يكتبنه

ذا موهبه من خالق الخلق الدين=سبحان رب(ن)له على الخلق منه

انا ورثت الشعر من جيل الى جيل=من عصر جدي لين انا ادركت فنه

وصبر النمل يغلب على قوة الفيل=هذا هو الواقع ولاهو.... بظنه

ومافي نهار إلا يجي بأخره ليل=ولا فيه ضحك إلا بتاليه... ونه

ياصاحبي ابعد عن العشق والويل=البيض قبلك كم لبيب ....اشغلنه

الحب دربه للعنا والبهاذيل=ماعشت ناره بس يقولون.. عنه

ماني من اللي سامرت نجمة سهيل=من بعد نار الحب تحلم.. بجنه

مهو تكبر والغرور اكرهه حيل=انا من اللي عقلهن ... يوزننه

**شيهانه** · 05/10/09, (03:30 PM)

صح لسانك

اختي

بنت الكــحـيلا
قصيده رائعه جدااا
ومجهود تستحقين الشكر عليك

تقبلي مروري

اختكـ
شيهانه

**ماجد الغانم** · 05/10/09, (06:02 PM)

انا ورثت الشعر من جيل الى جيلمن عصر جدي لين انا ادركت فنه

شاعرتنا الكريمة والقديرة

بنت الكحيلا

كفو والله

وصح لسااااانك ...ولاهنتِ

على هذا النص الراقي والشامخ

لله درك على هكذا تميز

دمت بكل خير ...ودام هذا التميز والرقي

تقبلي جل تقديري واحترامي

**بنت الكحيلا** · 05/10/09, (06:18 PM)

اختي الكريمة شيهانه

صح بدنك عزيزتي والروعه تكتمل بمرورك العذب

لك شكري وتقديري

**بنت الكحيلا** · 05/10/09, (06:20 PM)

ما عليك زوود اخوي ماجد الجعفري

وصح بدنك واشكرك على كلام الجميل

والله لايهينك على مرورك المميز

لك شكري وتقديري

**غموض الشمال** · 05/10/09, (08:50 PM)

صح لسانك اختي الشاعره بنت الكحيلا

نص في غاية الجمال

مبدعه دايما انت

تقبلي مروري واعجابي بهذا النص الراقي

غموووض الشماااال

**بنت الكحيلا** · 05/10/09, (09:46 PM)

صح بدنك اختي غموض الشمال

والأبداع هو مرورك العطر
يسعدني ان تنال كلماتي المتواضعه إعجابك

لك شكري وتقديري