جعفريه عزها من عز وايل ** ماتروم الا الدروب النايفاتي

[فاطمه الجعفري]

قصيدتي موجهه لكل من اساء لفاطمه بالخفاء في بعض المنتديات وحاول تشويه صورتها اقسم بربي لو تمادوا اكثر سأكشفهم بأسمائهم
والله على ماآقول شهيد

صرت افكر من يحقق امنياتي = ومالقيت الا غلا روحي وذاتي
واحدن تاقف جموع الخلق دونه = واحدن يستاهل افديه بحياتي
له غلا مايعلمه ياكود ربي = حافظته بصدري لحزة مماتي
لو عطيته من عيوني ماعطيته = ماله الا ابشر ليا من قال هاتي
جعلني افداه من ساسه لراسه = لو بغى نيلي ولو يبغى فراتي
من كثر ماكنت افكربه واهوجس = صار يشغلني وانا ادي صلاتي
خايفه لايزل في اسمه لساني = وتنتبه امي وتسمعني خواتي
لي سنه حبيته ومآكبر غلاته = كني احبه قبل لالبس عباتي
كل ماجاني من الفرحه أهلي = ولابتعد عني من الضيقه احاتي
حاشمته لحشمتي لافعال جدي = وذكر ابوي اللي بورثه لبناتي
جعفريه عزها من عز وايل = ماتروم الا الدروب النايفاتي
ماختلط في ذكرها شي (ن) يعيّب = ماخذه من امها طيب الصفاتي
والا انا مطلوبه لشيخ المراجل = شيخن افعاله بروس الطايلاتي
ماعلي من المشاكل والسوالف = دامني حره ويحكمني ثباتي
خبروا عني هوا بيضا نثايل = قولوا ان الغدر ماهو من سماتي
بنت شيخ وعزوتي عشرين فارس= مايعيش اللي يبعثر لي شتاتي
وبآختصرها بآخر الابيات واذكر = واسمعوا عني خبر ماكان آتي
من تعرض فاطمه والرب يشهد = غير يلحق من بعد قولي عصاتي

بقلم فاطمه الجعفري

[صالح السالم]

فاطمه الجعفري

صح السانك مليوووووووووووووون

ولن ينالو منك المسيئين بأذن الله وتأكدي بأن لكل ناجح اعداء ولكن تجاهل هؤلا هو الافضل واتذكر بيت لمتعب التركي يقول فيه

ياما خذو مني ولا احدٍ عطاني = وياما سمعت من الكلام وتجاهلت
وان ضاق صدري والزمان ابتلاني = يممت وجهي للكريم وتوسلت

انتي شاعره رائعه .. اتمنى لك التوفيق والستر

تقبلي مروري

[عوض بن خميس]

الاخت فاطمة الجعفرى
صح لسانك وسلمت يمينك يابنت الرجال
ونعم بربعك الجعافرة ونعم بعموم عنزة
تقبلى تحياتى

[سعود المسعودي]

الاخت فاطمة الجعفرى


صح لسانك وسلمت يمينك


والف شكر لكِ على الحضور الرائع




وننتظر ابداعك

[محمد صالح]

الشاعره فاطمه الجعفري

صح لسانك على هذي القصيده الرائعه ونعم بابوك وبربعك الجعافره ربعي واهلي وماتضامين وربعك الجعافره
دمتي بخير
والسلام عليكم


اخوك محمد صالح

[طلال]

الاخت فاطمه الجعفري

صح لسااااااااااانك والله

اعتبريني اخوك ومن تعرض لك بشي انا خصمه

بقوة اليمنا والقصيد ،،،،، وانتي معروفه جعفريه وائليه

تحياتي لك

[سلامة الجعفري]

لـي سنـه حبيـتـه ومآكـبـر غـلاتـه
كنـي احبـه قـبـل لالـبـس عبـاتـي


جعفـريـه عـزهـا مــن عـــز وايـــل
مـاتــروم الا الــــدروب النـايـفـاتـي


مـن تعـرض فاطمـه والـرب يشهـد
غير يلحق من بعـد قولـي عصاتـي


فاطمة الجعقري صح لسانك ملاييييييين على هذه الابيات الجزلة


تقبلي مروري وكلمات الثناء حائرة امام هذا الابداع