عزاه مثلـي مالقـى مـن يسليـه @ أخلت منازل عامريـن الدواويـن - °~*¤®§(§ شبـــكة ويــلان العـربـيـه §)§®¤*~ˆ°

**محمد خلف الزايدي** · 16/07/09, (06:48 PM)

عزاه مثلـي مالقـى مـن يسليـه=أخلت منازل عامريـن الدواويـن
اللـي سوالفهـم وناسـه وترفيـه=ماهي سوالف بالمجالس مساكيـن
عوجٍ تغث الكبد والقلـب تدميـه=توذِ المسامع مابها المنطق الزيـن
فيها الغلاط وسامج الهرج توحيـه=وبخورها الدخان مع قلـة الديـن
أشوف بعض الناس مايريد ماضيه=يسعى ورا الموضه ودرب الرديين
خلّى الحيا والعرف وأخطا مباديه=وجنب عن السنه ودرب القوانيـن
اللي مثل هالنوع لو مات مابكيـه=ماهو فقيده يـوم ماتدمـع العيـن
يابو علي طوّ لت يامسندي ليه= وحنا نعد اليوم باحساب شهرين
مثلك يغيب اسبوع عادي نمضيه= وغيرك يغيب العام كنه اسبوعين
عينت لي سلمان متى محاريه =من بعدكم ياخوي بالحيل حزنين
في شوفكم مسرور والهم ناسيه= ندله بهالدنيا فتره إلى حين

من أشعار// محمد خلف الزايدي

**بنت راشد** · 17/07/09, (12:51 PM)

محمد خالف
صح لسانك وسلم بنانك
فيها الغلاط وسامج الهرج توحيه= وبخورها الدخان مع قلـة الديـن

**عوض بن خميس** · 17/07/09, (01:14 PM)

الشاعر المتألق محمد خلف الزايدى
نص رائع من شاعر اروع شكرا على تواصلك وصح لسانك

**ماجد الغانم** · 17/07/09, (04:09 PM)

الشاعر القدير

محمد خلف الزايدي

صح لساانك ...ولاهنت

على هذا النص المميز

دمت بكل خير

تقبل جل تقديري واحتراامي

**نافع عيد الجديد** · 17/07/09, (10:21 PM)

الله الله

صح السانك ملايين

قصيده جزله من شاعر جزل

تتحدث عن واقع اليم

دمت ودام هذا التميز

حفظك الله بحفظه

**محمد خلف الزايدي** · 19/07/09, (04:18 PM)

أخي وحبيبي ابوعيد,,

اسعدنني مرورك الذي يقطــر عطــــرا بكـــــل حــرفاً ونقطة قلم

أخي الفاضل كل ماكتبته عني اعتبره دافع من دوافع التقدم

وانا فخور بمشاركات الزملا لو كانوا يخجلونني

مدحا وإطراء فوق ماستحقه ,,

تحياتي وتقديري لك
وللجميع

**بنت الكحيلا** · 19/07/09, (06:13 PM)

صح السانك اخوي محمد خلف الزايدي

قصيدة رائعة بيض الله وجهك

على هذا الإبداع

لك فائق التقدير