(قصـــــــــيدة شبـــــــــكة ويـــــــلان)

[نايف سعد الخمعلي]

هذة قصيدة شبكة ويـــــــلان حبيت أضعها لكم بالصفحة الأولى

الالف اببدا و اقطـف مـن المعانـي=الفيـة ٍ تـروي ضمـا كـل عـانـي
و انا الحكم تـروي ضمـاي بزمانـي=و العلـم غانـم و الجزالـه بويـلان
والبـا بـدايـة قافـنـا نـذكـر الله=مبري سقيم الجسـم مـن كـل علـة
اللـي فطـر فينـا الهدايـه جبـلـه=وشرع لنا الاسلام هو خيـر الاديـان
والتـا توكلنـا علـى خيـر بــاري=منشي مزوناً منهـن السيـل جـاري
الـواحـد الـلـي بالخفـيـات داري=سبحان رب الكون سبحـان سبحـان
والثاء ثبت في صرحنا الطيـب لازال=وهذي عوايدنـا علـى مـر الاجيـال
ومن يجحد المعروف ماهـو برجـال=من ..؟ يرسل المكتوب من غير عنوان
والجا جميل القول ينجب لـك اخـوان=من غير قومك تقترب نـاس واعـوان
قالوا قديـم العـرف بالقـول ميـزان=من عاقبه بالفعـل ضايـع وخسـران
والحـاء حبيـب الـكـل يامنتـدانـا=حنـا تجمعـنـا يـخـوف عـدانـا
وليـا بغانـا مـن بغـانـا لقـانـا=متجمعيـن وكلنـا مثـل الأخــوان
والخاء خيوط الطيـب ياهـي قويـة=مـن بيننـا سلـم المحبـة عتـيـة
لـو نبتعـد نبقـى قلوبـن سـويـة=مافرق اهـل الطيـب دورات الازمـان
والـدال دوك العلـم لاصـرت واعـي=حـق الخـوي لابـد انـك تـراعـي
يبقى الخوي في نهجنـا مـا يباعـي=لأن الأخــوة ماتـقـدر بالاثـمـان
والذال ذل المال ماهـو علـى الكيـف=تخونـك الأيــام لازارك الضـيـف
ماينفعك لو تشهـر الرمـح والسيـف=المرجلـه بالعلـم لاصـرت فهمـان
والراء رقي المجـد ماهـو ب(هيّـن)=لابـد تتعـب ليـن ذكــرك يبـيّـن
مـن لاصبـر للعسـر ماشـاف ليّـن=هذي هـي الدنيـا مسـرات واحـزان
والـزاي زاد أهـل العقـول السليمـه=بالدين هـو نعـم الثمـن والغنيمـه
ياراجـي مــد الكـريـم ونعيـمـه=نهـار ماينفـعـك ربــع وخــلان
والسين: ساد العلم في كـل الاقطـار=يحمي عماد الدين يحفـظ هـل الـدار
ومن لا تعلـم فاقـد الـدور محتـار=العلم دايـم سـراج نـوره بالأذهـان
و الشين شفت العـز خيـر الزهايـب=و الطيـب درب ٍ تنتويـه الركـايـب
و اللي تـرك درب الزحازيـح خايـب=و الطيب ما يجزا جحـود ٍ و نكـران
والصا صفـاة القلـب حطـه بتعبـار=احذر يكون الجاش اسود كمـا القـار
واعلم تـرى صاحبـه جـلاّب للعـار=لو تقربـه تلفحـك غبنـه وطغيـان
والضاء ضروف الوقت يا هي غريبـة=الـي يشـب النـار ماحـدن دريبـة
والـي معـه ميـلان كلـن قريـبـة=كثرة فلوسك صـارت اليـوم ميـزان
والطا طويـل البـال ماهـو بهالـك=ليازاد بك صبرك تـرى الزيـن فالـك
ولاتـدع دنيـاك هـي راس مـالـك=والدايـم الله كـل مـن فوقهـا فـان
والظاظما روحـي علـى خـوة اللـي=ماهرجته وش قال وش قلت قـل لـي
اللـي لخاطـر صاحـبـه مايعـلـي=إن مالفـاك بـزوود ماجـا بنقصـان
والفا فرايـض دينـك اليـوم صنهـا=حذرا تراخـا يابيـض الوجـه عنهـا
اومـر بمعـروف وعـن المنكرانهـا=ولاتجـزي الاحسـان الا بالاحـسـان
والقاف قفـت حاجةالسيـف والرمـح=ترى السلاح العلم والخاطـر السمـح
واخير مايداوي بعـض زلـة الدمـح=والأمن سـاد بظـل ذربيـن الأيمِِِـان
والـلام لا تمشـي دروب الحمـاقـه=ووثق مـع الطيـب حبـال العلاقـه
وخل الـردي لاتجمعـك بـه صداقـه=واحـذر وخلـك بالمواقـف كحيـلان
الميـم مـا بيـن الرجـال الأديـبـه=عنـد العـرب لنـا معـزه وهيـبـه
سيوفنـا وقـت المـلاقـى عطيـبـه=يشهد لنا التاريـخ حضـراً وبـدوان
النـون ناقـف صفـن لكـل عـايـل=و نفخر مدام انـا مـن عيـال وايـل
ابـلا قصـورن فـي جميـع القبايـل=و الحق له عند أهل العـرف ميـزان
والهـوا هوانـا بالعلـوم الجـزايـل=نمشي على الطولات والـراس طايـل
منهاجنـا نهـج الجـدود الاوايــل=زبن الدخيل وريف ضيـف وجيـران
والواو وضح القـوم عنـا يااهلهـن=وسط المزاين يعرضـن مـع فحلهـن
لـولا الحكـم والديـن حنـا اهلهـن=وتاريخنا الشاهد ورى ضلـع عرنـان
والـيـاء يـامـا للمفاخركسـبـنـا=أول فخـر ويـلااان .هـذا نسبـنـا
واليـا نوينـا للهلــع ماحسبـنـا=واليوم ساس الدين وأنصـار الإيمـان

[محمد عبدالرحمن]

شكرا لك على هاالملحمه ويابعد بعض هاالبشر الى قصيدة ماهو قصيد ولا يمت لشعر بصله وبنتظار جديدك والى الامام .......لاحد يزعل من الصحيح

[خلف الغريب]

المشاركة الأصلية كتبت بواسطة محمد عبدالرحمن

شكرا لك على هاالملحمه ويابعد بعض هاالبشر الى قصيدة ماهو قصيد ولا يمت لشعر بصله وبنتظار جديدك والى الامام .......لاحد يزعل من الصحيح

اخوي محمد ..

لكونك جديد فأنت قد لا تعلم ان هذه القصيدة اشترك فيها اغلب شعراء الشبكة فكل حرف من حروف الهجاء لشاعر وطبعا ولله الحمد المستوى الشعري في شبكتنا مرتفع ..

وانا حقيقة استغربت ردك فأنت لست ملزم بقراءة كل نص او الرد عليه وحتى النقد له اسلوبه الرفيع ..

تحياتي للجميع..

[نايف سعد الخمعلي]

اخي العزيز
انا ليس لي الا القليل بهذه القصيدة
البركة بربعي
ناايف الخمعلي

[جنون الحلم]

ماقصرت اخوي نايف
ويكفي ان نشعر انها قصيدة تجمع شعور كل شخص انتمى لهذا الصرح الويلاني

دمت وماقصرت

[محمد عبدالرحمن]

المشاركة الأصلية كتبت بواسطة خلف الغريب

اخوي محمد ..

لكونك جديد فأنت قد لا تعلم ان هذه القصيدة اشترك فيها اغلب شعراء الشبكة فكل حرف من حروف الهجاء لشاعر وطبعا ولله الحمد المستوى الشعري في شبكتنا مرتفع ..

وانا حقيقة استغربت ردك فأنت لست ملزم بقراءة كل نص او الرد عليه وحتى النقد له اسلوبه الرفيع ..

تحياتي للجميع..

شكرا لاخ خلف صحيح انا لا ادري نها مشتركه مع العلم اني واثق كل الثقه ان الاخ نايف بامكانه كتبتها بمفردة
امامسأله ماني ملزم بقراة كل المواضيع انا عضو من اعضاء هاذا المنتدى ومن حقي اقراء واعلق واقول الصحيح والغير صحيح ...

[نايف سعد الخمعلي]

المشاركة الأصلية كتبت بواسطة جنون الحلم

ماقصرت اخوي نايف
ويكفي ان نشعر انها قصيدة تجمع شعور كل شخص انتمى لهذا الصرح الويلاني

دمت وماقصرت

هلابك جنون الحلم
أشكرلك مرورك العطر