ســهــيــل غــاب ...

[خلف الغريب]

أهديها للجميع واخص بها من تسبب بولادتها ..مع تحيتي للجميع مقدما ..

سهيل غاب .. وغاب من يرجي سهيل=والوادي الظامي من سنين ظامي
لا تحتري للسيل يا راجي السيل=دار جفاها السيل مابه مقامي
يا ( شْعيل ) ما الومك من الحمل يا شْعيل =ومن شال حملك ظنتي ما يلامي
( المشكلة موقفك بين المشاكيل=العذر عن بعض المواقف حرامي )
الصبر عيب ليا طفح طافح الكيل=ليا صار مسماره على القلب حامي
وش فايدة لا قالوا العالم : ( حْليل )=بعض الجباير هي تعيب العظامي
واذا تفرعن بالقطين اشهب الذيل=على القطين وساكنيه السلامي
ودام الحمير اسعارها ساوت الخيل=وش فايدة كلمة : عريب العمامي ؟
وان كنت ما تسكن على ضفة النيل=مالك غنى دون الرشا والمقامي
وليا صرت بين الغربلة والبهاذيل=اكفخ بجنحان السعد لا تنامي
اشهر وخل الارض لـ(غراب قابيل ) =ماعاد فيها مطمعة يا ( القطامي )
مادام لك جنحان لا تقبل الميل=الرزق مابه دون بابه محامي
اشعل ظلام الليل قنديل قنديل=واعلن على يدك انتحار الظلامي
وان شفت هالدنيا تبي تميل الشيل=بعها على اللي بأول السوم سامي
وان شح نفط ( اربيل ) لا تقرب اربيل=النفط في ( كركوك ) زامي وطامي
من بعد ما ينباع برميل برميل=اليوم يهدى في ( ولاية ميامي )
اذا ( تعدى الفعل ) حظ المفاعيل=وش حصل( اللازم ) من الالتزامي*
حتى متى تجترنا ( كذبة ابريل )=وجروحنا مع كل كذبة دوامي
وبالمال ما ينقاس طيب الرجاجيل=الطيب في خوض البحور الزوامي
و أحدّ من ضرب السيوف المصاقيل :=كريم يدعى مع طعام اللئامي
و أشدّ من شلفا عقابٍ ومنديل : =لئيم تحت يديه رزق الكرامي
واخاف من سود الليال المقابيل=تاكل ايدامي قبل لا اكل ايدامي
كثر العلل ماعاد يحتاج تعليل=الرزق ماله عن يدين الحرامي
والموجز ابلغ من طويل التفاصيل=لا شك خذ بوحي و زبدة كلامي

* تعدي الفعل ولزومه مصطلحات نحوية ...

[رابح الغضيان]

المشاركة الأصلية كتبت بواسطة خلف الغريب

أهديها للجميع واخص بها من تسبب بولادتها ..مع تحيتي للجميع مقدما ..

سهيل غاب .. وغاب من يرجي سهيل=والوادي الظامي من سنين ظامي
لا تحتري للسيل يا راجي السيل=دار جفاها السيل مابه مقامي
يا ( شعيل ) ما الومك من الحمل يا شعيل =ومن شال حملك ظنتي ما يلامي
( المشكلة موقفك بين المشاكيل=العذر عن بعض المواقف حرامي )
الصبر عيب ليا طفح طافح الكيل=لياصار مسماره على القلب حامي
وش فايدة لا قالوا العالم : حليل=بعض الجباير هي تعيب العظامي
واذا تفرعن بالقطين اشهب الذيل=على القطين وساكنيه السلامي
ودام الحمير اسعارها ساوت الخيل=وش فايدة كلمة : عريب العمامي ؟
وان كنت ما تسكن على ضفة النيل=مالك غنى دون الرشا والمقامي
وليا صرت بين الغربلة والبهاذيل=اكفخ بجنحان السعد لا تنامي
اشهر وخل الارض لـ (غراب قابيل ) =ماعاد فيها مطمعة يا ( القطامي )
مادام لك جنحان لا تقبل الميل=الرزق مابه دون بابه محامي
اشعل ظلام الليل قنديل قنديل=واعلن على يدك انتحار الظلامي
وان شفت هالدنيا تبي تميل الشيل=بعها على اللي بأول السوم سامي
وان شح نفط ( اربيل ) لا تقرب اربيل=النفط في ( كركوك ) زامي وطامي
من بعد ما ينباع برميل برميل=اليوم يهدى في ( ولاية ميامي )
اذا ( تعدى الفعل ) حظ المفاعيل=وش حصل( اللازم ) من الالتزامي*
حتى متى تجترنا ( كذبة ابريل )=وجروحنا مع كل كذبة دوامي
وبالمال ما ينقاس طيب الرجاجيل=الطيب في خوض البحور الزوامي
واحد من ضرب السيوف المصاقيل=كريم يدعى مع طعام اللئامي
واشد من شلفا عقاب ومنديل =لئيم تحت يديه رزق الكرامي
واخاف من سود الليال المقابيل=تاكل ايدامي قبل لا اكل ايدامي
كثر العلل ماعاد يحتاج تعليل=الرزق ماله عن يدين الحرامي
والموجز ابلغ من طويل التفاصيل=لا شك خذ بوحي و زبدة كلامي

* تعدي الفعل ولزومه مصطلحات نحوية ...

الله الله على الشعر العذب والراقي معنى وجزاله

الشاعروالأديب/خلف الغريب

انت فوق اشادتي ياستاذي الفاضل

أكتفي {بصح لسانك}



بعد أذن المشرفين الكرام


(يثبت)


تحيااااااااااتي

[سعوط المجانين]

الله اكبر عليك يابو خالد

اشهد بالله اجمل ماقرأت لك جزل ولاتجيب الا الجزل

اجد السكوت ابلغ من وصف هذه الباذخه لله دررك

تقديري

[هندي المقبل]

شاعرنا الكبير : خلف الغريب

صح لسانك وسلمت على هذه القصيده الكبيره بحجم شاعرها .

لن اجد كلمه تفي هذه الكلمات حقها لذلك سألتزم الصمت .

فقط اسجل اعجابي

[ماجد الغانم]

الغاااالي

ابو خالد

صح لسااانك ..,لاهنت

قمة الجزالة ...سطرت بهذا النص الشاامخ

لله درك ...ولافض فوك


ابدااع يفو ق الوصف


خلف الغريب

سجل اعجابي بشخصك الكريم وابأبداعك المتواااصل

دمت بكل خير ...وداام هذا التميز

تقبل خالص تحياااااااتي

[سعود محمد الايـــداء]

واخـاف مـن سـود الليـال المقابيـل
تاكـل ايدامـي قبـل لا اكـل ايـدامـي

واخـاف مـن سـود الليـال المقابيـل
تاكـل ايدامـي قبـل لا اكـل ايـدامـي




واخـاف مـن سـود الليـال المقابيـل
تاكـل ايدامـي قبـل لا اكـل ايـدامـي



أبو خالد



نص لايكتبه الا الكبار


بحجم خلف الغريب



شكرا لمن


سعى لولادته


وشكرا شعرا



لقلب خلف الغريب المعطاء


وقلمه المدهش



دمت بود





تقبل مروري البسيط


دمت بخير

[الجوكر]

الشاعر المثقف

خلف الغريب
انتهاج شعري بطريق الجزاله...

كلمة حق..

نص شعري لايضاهى..

نص شعري يجبر القارئ على قراءته

عدة مرات...

مفرده عاليه من حيث اللغه والمعنى...

استقطاب للكلمه الراقيه وذات المعنى الثقيل..

نص اكبر من أشاده...


تقبل تقديري